مي كساب: محمد سامي سبب تألقي.. وعرفت إنه بينفعل على الشخص المستهتر
كشفت الفنانة مي كساب تفاصيل تعاونها مع المخرج محمد سامي في مسلسل جعفر العمدة، مؤكدة أنه منحها فرصة لم تكن تحلم بها.
وقالت مي كساب في تصريحات تلفزيونية: محمد سامي إداني فرصة مكنتش أحلم بيها، ومشفتش رد فعل الجمهور بالنجاح الساحق غير في تامر وشوقية وجعفر العمدة، ومش عاوزة أخسف بحق مسلسل اللعبة.. وأنا سعيدة إني جزء من اللعبة، لأنه رجعلي جمهوري الأطفال.
مي كساب: كنت خايفة من محمد سامي
وأضافت مي كساب: مش بيحصل انفعال من محمد سامي على الممثلين، ولكن بيحصل لو في شخص مستهتر، ومش بيعمل شغله صح، وبيعطله، وكنت خايفة زي كل الناس، وسألت أحمد داش لأن أول يوم تصوير كان معايا، وقالي محمد سامي مش بيحب الناس المستهترة، واللي مش بتحفظ، ومتخافيش خالص لأني حفيظة، وهو سبب تألقي لأنه بيحب الممثل، وأهم حاجة عنده هو الممثل، أهم من الإضاءة والتصوير، ولما الممثل ينجح كأنه هو نجح.
كما تطرقت مي كساب للحديث عن فترة نجاحها منذ مسلسل تامر وشوقية حتى جعفر العمدة، قائلة: بين فترة تامر وشوقية لـ جعفر العمدة، أنا عملت حاجات كتير في حاجات نجحت وفي حاجات الحظ مكنش حليفي فيها، اللي بينجح نجاح كبير زي تامر وشوقية مش بيرضيه أي نجاح لأني ببص على النجاح الكبير أوي لأني متعودة عليه.
