أسرة اللاعبة شهد سعيد بعد تعرضها للإغماء باستاد القاهرة: الواقعة مش مقصودة والهجوم شديد عليها|بث مباشر
تقدمت أسرة شهد سعيد، لاعبة منتخب مصر للدراجات، بالاعتذار لـ اللاعبة جنة التي تسببت ابنتهم في إصابتها بأحد سباقات الجمهورية وسقوطها من على الدراجة، وذلك بالتزامن مع تعرض شهد، لـ الإغماء خلال وجودها في ستاد القاهرة الدولي، قبل قليل.
أسرة اللاعبة شهد سعيد تروي التفاصيل
وقال عصام نجل عم اللاعبة شهد سعيد، إن ابنة عمه تعرضت لحملة هجوم شديدة، موضحًا أن هذا الهجوم طبيعي لأن الجمهور لم يعلم الحقيقة إلا من جانب واحد فقط، قائلًا: الهجوم طبيعي لأنهم مسمعوش غير من طرف واحد بس ولازم يسمعوا الطرفين عشان يعرفوا الحقيقة.
وأضاف عصام: شهد أحنا لازم ندعمها في الهجوم اللي عليها لأنها مصدر فخر العيلة والفيوم ومصر كلها لأنها حصلت على أكثر من بطولة في إفريقيا، ولما تواصلت مع بنت عمي وسألتها فهمتني الحقيقة.
وأردف عصام: قالتلي أن جنة خبطت فيها الأول ودة حاجة طبيعية في سباق الدرجات أن يحصل بينهم احتكاك لأنهم بيبقوا ماشيين على السباق، فحصل احتكاك غير مقصود وتوازنها أختل ووقعت، وبنت عمي قالتلي أن الواقعة مش مقصودة، وأي حد هيشوف الواقعة من غير ما هي تطلع توضح هيفهم أنها مقصودة.
ومن جانبها، قالت خالة اللاعبة شهد سعيد: الموضوع مش مستاهل كل الهجوم اللي عملوه الناس على شهد، وشهد في سباق سابق متسابقة معاها من أمريكا وقعتها وحصلها إصابات ومعملتش كل اللي بيحصل دلوقتي ده، واللي حصل مش مقصود دا يعتبر أختها وأحنا كلنا أخوات أزاي هتقصد تعور أختها.
