التوقيت لم يكن مناسبًا.. ميدو يعتذر عن تصريحاته بشأن عدم تشجيع الأهلي في كأس العالم للأندية
قدم أحمد حسام ميدو نجم نادي الزمالك السابق، اعتذاره عن تصريحاته الأخيرة التي أدلى بها بشأن عدم تشجيع الأهلي في بطولة كأس العالم للأندية.
ميدو يعتذر عن تصريحاته بشأن عدم تشجيع الأهلي
وقال ميدو على حسابه الشخصي عبر موقع التواصل الاجتماعي تويتر: أنا ابن الزمالك وأكبر فخر ليا في حياتي إني ابن المدرج، ابن الثالثة يمين، بلعب في الزمالك من وأنا عندي 9 سنين، وأنا عيل صغير كنت بروح بـ فانلة الزمالك في المواصلات علشان الناس كلها تعرف إني ناشئ في الزمالك، بطاقتي وأنا عيل صغير هي كارنيه اتحاد الكورة اللي مكتوب عليه اسم الزمالك، تتلمذت على إيد مدربين عظماء علموني إني أنتمي لفريقي بس، وما أشجعش أي نادي ثاني في مصر بالذات، إلا نادي الزمالك، أيا كان بيلاعب مين، ولكن في نفس الوقت اتربيت إني أحترم كل المنافسين وأهنّيهم لو كسبوا وأباركلهم، وأقولهم هارد لك لو خسروا، هو ده معنى الروح الرياضية بالنسبة لي!! لما اتسألت في الاستوديو هتشجع الأهلي في كأس العالم للأندية رديت بطبيعتي دون أي نفاق أو كذب لأن بكل بساطة مفيش حاجة في الدنيا تستاهل إنك تكون كذاب ومنافق! أتفق معاكم إن التوقيت ما كانش مناسب، وبعتذر لأي حد زعل إني قلت الكلام ده في حدث مهم يخص النادي الأهلي، وأنا شايف الناس اللي زعلت بخصوص إن الوقت مش مناسب عندهم كل الحق.
