مصطفى كامل: أرقى تكريم للفنان وهو عايش.. وبكرم المندوب عندي في النقابة
أعرب الفنان مصطفى كامل نقيب المهن الموسيقية، عن سعادته بتكريمه من قِبل وزارة الثقافة، وذلك تزامنًا مع يوم الثقافة، الذي أٌقيم أمس في دار الأوبرا المصرية، بحضور الوزير أحمد هنو.
وقال مصطفى كامل في لقائه مع القاهرة 24: سعيد بتكريمي وبتكريم كل النجوم وكمان تكريم النجوم الراحلين، ولكن أرقى تكريم للمبدع يكون على حياة عينه، بيبقى شاف تكريمه وأهله شافوه وولاده والمجتمع، على عكس ما نكرم حد بعد ما يموت تبقى القاعة مقلوبة محزنة، وأتمنى تعميم تكريم الفنانين على حياة عينهم على مؤسسات الدنيا كلها، أنا بكرم المناديب اللي تعبوا معايا في النقابة.
طالرق الشناوي عن تكريم مصطفى كامل في يوم الثقافة: إزاي يبقى نقيب ويرشح نفسه للتكريم؟
وكان الناقد الفني طارق الشناوي، علق على تكريم الفنان مصطفى كامل، قائلًا: تكريم مصطفى كامل في يوم الثقافة خطأ، هو نقيب الموسيقيين وبيكرم نفسه، أنا مستغرب على الجرأة أنه طلع بكل جرأة وكرم نفسه، والحجة المعلنة أن مجلس الإدارة ضغط عليه وأنهم عايزينه، كل ده كلام مالوش معنى، تكريمه مالوش معنى وأفسد اليوم.
وتابع طارق الشناوي: هو حرص يتصور مع الوزير علشان يكون فيه لقطة أنه بيتكرم، هو عنده رغبة في التكريم تمام ولكن إزاي يكون فيه رغبة فيها انتهاك للعدالة، إزاي تبقى نقيب وترشح نفسك؟، دي غريبة.
