ياسمين عز لـ السيدات: متتجوزيش وتزودي همومك وإنتي من المنحوسين اللي مش هيعمروا في الجواز
تحدثت الإعلامية ياسمين عز عن زواج الفتيات، موجهة لهن عدة رسائل بشأن هذا الأمر، داعيةً إياهن إلى عدم الزواج من الأساس.
وقالت ياسمين عز خلال برنامجها كلام الناس: متحطيش الجواز هدف لأنه بداية سكة العذاب، ليه عايزة تكوني من المتجوزين، انتي متخيلة إنك بحظك ده لما تتجوزي هتكوني من الـ 10 في المية المحظوظين في الأرض؟، إنتي من المنحوسين والبائسين اللي مش هيعمروا في الجواز، عايزة الأمان المادي يبقى اشتغلي.
ياسمين عز للرجل: متقولش لمراتك شكرا إديها فلوس على طول
وأضافت ياسمين عز: وأنتي بتموتي على السرير جوزك هيقولك قومي حضري العشا الأول وبعدين موتي، عايزة تتجوزي عشان الحنان والحضن في الجواز؟ مفيش الكلام ده، هتكوني بتجيبي لنفسك هم فوق همك، وليه عايزة اسمه؟ إنتي معاكي اسم باباكي وجدك وببلاش لكن هو هيديكي اسمه بمقابل مادي.
كما وجهت ياسمين عز رسائل إلى الأزواج، إذ قالت: لما مراتك تعملك أكل حلو متقولهاش شكرا الكلمة دي لاغوها من زمان، قوم إديها فلوس على طول هي مش شغالة بدون أجرة ولا واخدها رهن، وإنتي تمدي إيدك في جيب جوزك وهو نايم وتاخدي الفلوس ده حقك ومش لازم تطلبيها.
