نجوى إبراهيم تلمح للجمهور باعتزالها: شكرا إنكم استحملتوني
كشفت الإعلامية والفنانة نجوى إبراهيم، تفكيرها بشكل جدي في الاعتزال، وذلك خلال برنامجها بيت العز، الذي تقدمه على نجوم إف إم.
وقالت نجوى إبراهيم: ربنا معاكم إنكم مستحملني كل هذا العمر، بفكر أستقيل وأعلن اعتزالي، انتو إزاي بتستحملوا كل النصايح اللي طالعة من قلبي دي؟ وشغلتنا أننا نحل المشاكل.
جدير بالذكر أن الإعلامية نجوى إبراهيم انتقدت منذ فترة حفلات الزفاف التي تقام على سفح الأهرامات، وعربت عن استيائها، من بعض التعيلات التي يتم إجراؤها من أجل إقامة الحفلات.
زعلت وقعدت أبكي لما شفت عمال مصريين جالهم طلب أنهم يكسروا في الحيطة، بقى في غلطات مبهرة بنشوفها دلوقتي، يعني إيه أشوف عامل معاه أجنة وبيكسر في الحيطان لأنه بيمد سلك علشان في فرح؟، ويجي واحد عايز يجوز بنته يقول أنا مش عاجبني لون الأهرامات واعملهالي أحمر، حمدت ربنا أنهم معملوهاش بمبي وأخضر.
ومن ناحية أخرى كشفت نجوى إبراهيم عن رآيها في الأبناء الذين يرسلون والدهم إلى دار المسنين بسبب انشغالهما، حيث قالت في برنامجها الإذاعي ساعات نقول هنشاهد اليوتيوب ونلاقي الناس مطلعة فيديوهات شاهد فلان أدخل والدته دار المسنين، موضوع علاقتنا بدار المسنين ممكن يكون إيجابي جدًا أنت أو إنتي مش فاضيين مسافرين أو عندكم شغل، ووالدتك مش لاقية حد يتكلم معاها فتودوها دار المسنين، أو حتى لو تعبانة.
