شوبير: أكرم توفيق يخشى من اللعب أمام الجونة.. ومن الوارد عدم رحيل كهربا
تحدث الإعلامي أحمد شوبير، عن موقف الإصابات التي ضربت صفوف الأهلي مؤخرًا من اللحاق بمباراة الجونة في الدوري المصري الممتاز والمقرر إقامتها غدًا.
وقال شوبير في تصريحات إذاعية: مروان عطية، عمل جلسة تأهيل وهيشوفوا الدنيا فيها إيه النهارده بس كده صعب يكون موجود في المباراة، كمان أكرم توفيق غايب للإصابة وعمرو السولية مصاب من مباراة استاد أبيدجان فيه مشكلة حقيقية في خط وسط النادي الأهلي، وممكن محمد هاني يكون في وسط الملعب، وكولر هيلجأ إلى تباديل وتوافيق عشان يتغلب على النقص الكبير في الصفوف.
وأضاف شوبير: الأهلي عنده فترة كده كل سنة بنقول مستشفى الأهلي بس المرة دي زيادة جدا جدا، وعموما النهارده هيكون فيه فحص طبي جديد لأكرم توفيق ومعلوماتي مفيش فيه مشكلة بس ممكن يكون خايف لسه يلعب، أشرف داري وطاهر محمد طاهر يحتاجان كده شهر عشان يرجعوا.
وأردف: كهربا كان عنده عرض جاد من أحد الأندية في العراق، لكن الوكيل بعت العرض على إيميل مش صح، وبالتالي ماحصلش أي رد من الأهلي، والجانب العراقي مكنش يعرف بالقصة دي، ومن الممكن كولر يفكر في منع كهربا من الرحيل، وأن يعتمد عليه، بسبب كثرة الإصابات في صفوف الفريق، كهربا محتاج يعمل زي إمام عاشور ما عمل، محتاج يفضي دماغه ويسيبها على الله
