محمد رمضان عن مسابقاته: أهل بلدي اللي صنعوا اسمي أولى من عمل كليبات بفلوس كتير
كشف الفنان محمد رمضان، سبب اتجاهه لعمل مسابقات لجمهوره، موضحًا أنه فضل عمل مكافأة لجمهوره بجوائز ماليًا على أن يصور كليبات لأغانيه بأموال باهظة.
وقال محمد رمضان، في لايف عبر حسابه بموقع فيسبوك، لإعلان الفائزين في مسابقته الأخيرة: إحنا بنعمل كليبات بفلوس كتير وأنا فكرت أن الفلوس دي هتسعد الجمهور وهتساعدهم والفوز طعمه حلو، إحنا اختارنا 10 جاوبوا صح وفي 3 آلاف جاوبوا صح وعملنا قرعة واختارنا 10 منهم، واللي بسطني أكتر أن الناس اللي اخترناهم بالحظ من محافظات كتير، الحمدلله قدرنا نبسط كل محافظة ويا رب الأغنية تعجبكم والأعمال اللي جاية كلها تعجبكم.
وتابع محمد رمضان: السنة دي هتشوفوا فيلم أسد وهتشوفوا مفاجآت كتير ويا رب أكون دايمًا عند حسن ظنكم، وأسماء الفائزين هيكونوا في أول تعليق في فيديو الأغنية، واللي مكسبش النهاردة هيكسب في المسابقات اللي جاية لأن إحنا شغالين لإسعادكم، لأن أنا بالنسبة ليا بدل ما أصرف فلوس كتير على صناعة كليب الفلوس دي تروح لأهل بلدي أحسن اللي ساهموا في صنع اسمي.
محمد رمضان
يذكر أن محمد رمضان أعلن عن مسابقة بجائزة مليون جنيه، حيث طلب من متابعيه اختيار اسم أغنيته القادمة من بين عدة خيارات، وتأتي هذه الخطوة في إطار الترويج لأعماله الفنية الجديدة والتفاعل المباشر مع جمهوره، ما يعكس حرصه على تقديم محتوى مبتكر ومشوق.
