كهربا: بإذن الله ربنا يجيبلي حقي من مجدي عبد الغني.. وموسيماني ظلمني
تحدث محمود عبد المنعم كهربا لاعب الفريق الأول بكرة القدم بالنادي الأهلي عن أزمته الشهيرة مع مجدي عبد الغني.
تصريحات محمود كهربا
وقال كهربا في تصريحات تليفزيونية: بإذن الله ربنا يجيبلي حقي من مجدي عبد الغني في الدنيا والآخرة وحسبي الله ونعم الوكيل فيه وأنا مش مسامحه وبدعي عليه على طول وظلمني أن هو وثّق العقود أصلًا.
وأضاف: أحمد مجاهد مشترك مع مجدي عبد الغني في ظلمهم ليا وظلموني وحسبي الله ونعم الوكيل.
وأكمل كهربا: سيد عبد الحفيظ دعمني كتير وبشكره على كل اللي عمله معايا، والشناوي القائد وأخويا.
وأردف كهربا: أحمد سيد زيزو من الشخصيات الجميلة وأنا بحبه للغاية ولعب معايا في الزمالك وكان لسة جاي ولاعب جامد وبقوله ربنا يكرمك ويوفقك وتكسر الدنيا دايما.
واختتم كهربا تصريحاته، قائلا: بيتسو موسيماني ظلمني للغاية، وكان عندما أكون على وشك إحراز الأهداف في المران يصفّر ويمنعني من التسجيل، ومكنش بيحب الجمهور ينادي على اللاعيبة كان بيحب يندهوا عليه فقط، وهو ظلمني للغاية خلال وجوده على رأس القيادة الفنية لـ الأهلي.
