أحمد شوبير بعد تعادل الأهلي مع فاركو: كنا خايفين نخسر.. ولحد امتى هنفضل نقول معلش
حرص الإعلامي أحمد شوبير على التعليق بشأن تعادل الأهلي مع نادي فاركو ضمن منافسات بطولة الدوري المصري الممتاز.
وتعادل الأهلي مع فاركو بهدف لكل فريق في المباراة التي أقيمت مساء اليوم الأربعاء، على ستاد الجيش في برج العرب.
تصريحات أحمد شوبير
وقال أحمد شوبير في تصريحات تليفزيونية: من بعد مباراة الأهلي وفاركو مش عارف أتكلم أقول إيه، ولحد امتى هنفضل نقول معلش، ومش هلوم على حد، والأهلي خسر 8 نقاط في 9 مباريات.
وأكمل: أنا بتكلم على روح الفانلة الحمرا وروح النادي الأهلي.. كنا بنبقى قاعدين في الدقيقة 90 ومفيش عندنا شك إن الأهلي هيكسب، النهاردة قدام فاركو كنا خايفين نخسر.
وأضاف: مليون علامة استفهام على صفحة نادي فاركو.. ده مش أسلوب أندية وميديا، الأهلي بيحترم الجميع وعمرك ما هتلاقي كلمة خارجة عن النص.
واختتم تصريحاته قائلًا: ضربة جزاء الأهلي أمام فاركو صحيحة.. ليه بقى يطلع عضو مجلس إدارة ويتكلم؟.. هل عمرك شوفت عضو مجلس إدارة الأهلي بيكتب كلام الصغار ده؟.
