إنجي المقدم: هند صبري قالتلي شخصيتي في ليالي أوجيني مش هتتكرر تاني
كشفت الفنانة إنجي المقدم، عن رسالة الفنانة هند صبري لها بعد نجاح مسلسل ليالي أوجيني، والذي حقق نجاحا جماهيريا حينها.
وتحدثت إنجي المقدم خلال ندوتها في القاهرة 24، قائلة: هند صبري قالتلي يا إنجي ده من الأدوار اللي مش هتتكرر وفي ممثلين بتعيش وتموت من غير مشهد يكون علامة، وإن النجاح ده مش العادي دايمًا وأنا قولت يا رب يبقى ده العادي، وفي الحقيقة هند كان معاها حق، ومفيش حاجه جاتلي زي صوفيا.
وعن نجاح مسلسل وتر حساس، أوضحت: كنت عارفة إن مسلسل وتر حساس هيتشاف من شريحة معينة، ولكن الانتشار الفظيع اللي حصل ده وترني وخضني، موضحه عن شخصية كاميليا: كرهت في البداية شخصية كاميليا على الورق، وحسيت إنها شريرة جدًا ولكن لمًا عملنا بروفة ترابيزة لقيت كاميليا عندها دوافع وواحدة بتحب العيلة وبتحب بنت خالتها وبدأت اشتغل وما أحكمش عليها.
أعمال إنجي المقدم
وتشارك إنجي المقدم في مسلسل سيد الناس والمنتظر عرضه ضمن دراما رمضان لعام 2025، وهو من بطولة عمرو سعد وريم مصطفى، إلهام شاهين، أحمد زاهر، أحمد رزق، رنا رئيس، نشوى مصطفى، أحمد فهيم، منة فضالي، طارق النهري، ياسين السقا، وآخرين وتدور الأحداث في إطار تشويقي.
