بعد إحالته للجنايات.. القصة الكاملة لقضية المتهم بقتل صديقه ودفنه داخل المطبخ بالمرج
قررت جهات التحقيق إحالة المتهم بإنهاء حياة صديقه محمد. ص بعيار ناري من فرد خرطوش وإخفاء جثمانه داخل حجرة المطبخ بالمنزل، بمنطقة المرج إلى محكمة الجنايات بتهمة القتل الخطأ.
القصة الكاملة لقضية المتهم بقتل صديقه بالمرج
بدأت القصة في 18 أغسطس من العام الماضي عندما أنهى المتهم حياة صديقه بعيار ناري “خرطوش” عن طريق الخطأ اثناء تجربة السلاح بمنطقة المرج وحاول إخفاء جثمانه داخل حجرة المطبخ بالمنزل بمساعدة والده.
وبعد تغيب المجني عليه أبلغت أسرته الأجهزة الأمنية باختفاء نجلهم عقب خروجه من المنزل، وعقب تتبع خط سيره من خلال كاميرات المراقبة توصلت إلى آخر الأماكن التي توجد بها وبدخول المنزل تم كشف الجريمة عن طريق بقعة دماء على سجادة غرفته، ورائحة الجثة توصلت إلى الجثمان.
ألقت الأجهزة الأمنية القبض على المتهم ووالده بتهمة إنهاء حياة محمد. ص وإخفاء جثمانه داخل المنزل، وقرر قاضي المعارضات إخلاء سيل والده من جريمة القتل الخطأ، وإخفاء الجثمان.
واستمعت جهات التحقيق لأقوال المتهم وجاءت كالآتي: اللي حصل إنه بتاريخ 18 أغسطس حوالي الساعة 11 صباحا، كنت في البيت ولقيت المجني عليه محمد صوان، معدي من تحت وبيقولي هتعمل إيه هتنزل القهوة قولتله لا قالي طيب استنى أنا طالعلك، بعد لما طلع وقفلنا باب الشقة روحت قولتله أنت مش هتاخد السلاح الخرطوش بتاعك ده؟ قالي لا خليه عندك شوية قولتلته طيب ما تعلمني إزاي أضرب بيه وكده روحت جبت السلاح والطلقة من تحت السرير بتاعي وكنًا واقفين بره في الصالة وبعد كده ادتهولوا وقولتلوا علمني إزاي أحط الطلقة في السلاح وأضرب بيه.
وأضاف المتهم: وأنا بجرب السلاح راحت الطلقة طلعه من الماسورة دخلت في قلبه، وحاولت أشوف أي حاجة أوقف بيها الدم بس هو كان خلاص مات، وقعدت أفكر هعمل إيه في الحوار ده رحت سحبته ودخلته الأوضة الثانية وقفلت عليه باب الأوضة، وأبويا فتح باب الشقة بالمفتاح راح شاف جثة محمد صوان في الصالة وقالي إيه ده فحكتله اللي حصل راح قعد يخبط على راسه ومش عارف يعمل إيه.
كما جاء في اعترافات قاتل شاب المرج: ورحنا جبنا المشمع الأزرق من الأوضة جوه ولفيناه جوه المشمع وجبت لزق وقعدت ألزق المشمع عشان ميفكش وبعد كده رحت أنا وأبويا عند الشقة اللي في الدور الأرضي ودخلناه وحطيناه بره في الصالة وأبويا طلع جاب الكوريك عشان نحفر في المطبخ وندفنه.
