تامر هجرس عن جدل التاتو: ربنا أكبر من إنه يحاسبنا على الحاجات الصغيرة.. ومش عايز أشيله
تحدث الفنان تامر هجرس عن الوشم الموجود بيده، قائلا إنه لا يريد إزالته، وإن الله يحاسب على النوايا.
تامر هجرس عن جدل التاتو: ربنا أكبر من إنه يحاسبنا على الحاجات الصغيرة
وقال تامر هجرس خلال ندوته بـ القاهرة 24: ربنا أكبر من إنه يحاسبنا على الحاجات الصغيرة زي التاتو، ربنا بيحكم علينا بأعمالنا ونياتنا وهو رب قلوب، والناس بتقولي حيّرت الشيطان عشان عامل تاتو بـ ذكر لا حول ولا قوة إلا بالله.
وتابع تامر هجرس: لما أوصل لمرحلة إني خلاص بموت، هبقى أفكر عايز أشيله ولا لأ، بس حاليا في اللحظة دي مقتنع بيه.
وعلى جانب آخر، سبق وكشف تامر هجرس، تفاصيل الأزمة الصحية التي تعرضه لها زوجته مؤخرا، وخضعت على إثرها لـ عملية جراحية بالقلب خلال الأيام الماضية، وقال تامر هجرس، في تصريح خاص لـ القاهرة 24: عملت عملية في القلب الأيام اللي فاتت، ضربات قلبها بتوصل لـ رقم خزعبلي وبتبقى مش عارفة تتنفس، اضطرينا نعمل عملية في القلب على طول ولسه في مرحلة التعافي، ولكن الأزمة دي حصلت لها تاني وبنتابع حاليًا مع دكتور في إسبانيا علشان نشوف هيكون في حل ولا عملية تانية.
أعمال تامر هجرس
وعلى جانب أعمال تامر هجرس، يعتبر فيلم جوازة توكسيك، هو آخر أعمال الفنان تامر هجرس، والذي عرض خلال الفترة الماضية وحقق نجاحًا كبيرًا، وشارك في بطولته كل من: ليلى علوي، بيومي فؤاد، تامر هجرس، محمد أنور، ملك قورة، نسرين طافش وعدد آخر من النجوم، وهو من تأليف لؤي السيد، وإخراج محمود كريم.
