إصابات بالغة ونجاة من الموت.. ماذا حدث مع مي الغيطي بعد تعرضها لحادث سير مروع؟
حالة كبيرة من القلق انتابت جمهور الفنانة مي الغيطي، بعد تعرضها لحادث سير مروع في تايلاند، أدى إلى إصابتها بعدة إصابات بالغة، حيث أشارت الفنانة إلى أنها نجت من الموت بعد أن صدمت سيارتها بـ سيارة نقل.
وانتشرت صور لـ مي الغيطي من كواليس رحلة علاجها، التي استمرت لـ 7 شهور، حيث روت الفنانة التفاصيل عبر حسابها الشخصي بموقع تبادل الصور والفيديوهات القصيرة انستجرام، قالت عنها: فيه ناس كثيرة بتسألني أنا كنت مختفية ليه.. من 7 شهور كنت في حادثة حصلت في تايلاند، اتخبطت بعربية نقل في العربية اللي كنت فيها، واتصبت إصابات بالغة. حصلي كسر في حوضي، وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي.
نجاة مي الغيطي من حادث سير مروع
حادث مي الغيطي
ولم يقف الأمر عند هذا الحد، بل استكملت مي الغيطي حديثها: قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمهم، مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط، بعد علاج طبيعي فترة وكل شوية نكتشف حاجة جديدة.
وفي نهاية حديثها، حرصت الفنانة على أن تطمئن كل متابعيها، إذ قالت: أنا دلوقتي أحسن بكتير جدًا الحمد لله ودي حاجة محدش كان متخيلها بعد فتره نسبيًا قليلة، حاسة إني كنت عايزة أشارك ده دلوقتي عشان أقول إن الجسم عنده قدرة رهيبة على الشفاء.. أقوى بكتير مما نتخيل وأن التعافي بياخد وقت، بس بييجي. لو إنت بتمر بوقت صعب، أرجوك كون صبور مع نفسك عشان عدم فقدانك إيمانك إنك هتكون أحسن بجد بيفرق في قدرتنا على تحمل الصعاب.
