رئيس شركة القلعة الحمراء: إحنا خدامين جماهير الأهلي.. وردود الفعل على حفل الاستاد شرف كبير لينا| بث مباشر

قال محمد كامل، رئيس مجلس إدارة شركة القلعة الحمراء المسؤولة عن تنفيذ مشروع القرن للنادي الأهلي وبناء الاستاد الجديد، إن حفل النادي الأهلي الخاص بإعلان بدء العمل في ستاد الأهلي كان شيئًا مفرحًا للغاية.

رئيس شركة القلعة الحمراء: مافيش نجم ممكن يبان جنب جمهور الأهلي

وأضاف محمد كامل في تصريحات لـ القاهرة 24: نجم الحفل هو الاستاد وجمهور النادي الأهلي.. ومافيش نجم ممكن يبان جنب جمهور النادي الأهلي.. الجمهور ده هو أعظم حاجة موجودة وده مش مجرد كلام إنشاء ولكن إحنا بنتكلم عن حوالي 90 مليون واحد.. هما دول النجوم وإحنا شغالين خدامين عند الناس دول كلهم.

وأعرب رئيس مجلس إدارة شركة القلعة الحمراء، عن سعادته بردود الفعل على الحفل التاريخي للنادي الأهلي، سواء كانت المصرية أو العربية أو العالمية، معلقًا: فيه رسائل تحفة جاتلي من جمهور الأهلي وده شرف كبير لينا.

وتابع: عظمة الأهلي تكمن في إننا كلنا بنعمل كل اللي علينا وأقصى حاجة ممكنة.. والشغل بدأ في موقع الاستاد وفترة الـ 200 أسبوع اللي أعلنا عنها هي الفترة الفعلية للمشروع.

وتطرق محمد كامل للحديث عن لقطة ظهور اسم اللاعب أشرف بن شرقي في غرفة الملابس في ستاد الأهلي، حيث قال: صفقة بن شرقي كنا محتاجينها جدًا وكنا فرحانين بيها جدًا في شركة القلعة الحمراء لأنها فرقت معانا في شغل الإيفنت.. عشان كده كنت حريص إني أقول للشباب يحطوا اسمه في أوضة اللبس.

وأشار رئيس مجلس إدارة شركة القلعة الحمراء، إلى أنه تربطه علاقة جيدة للغاية بالكابتن محمود الخطيب رئيس النادي الأهلي، مضيفًا: الخطيب أخ كبير وعزيز علي قلبي.. وعلى فكرة بأمانة هو مش سهل في المفاوضات وبيلعب بكل الاستراتيجيات الممكنة.