زيزو: بن شرقي إضافة للأهلي.. وهو لاعب محترف ومش ابن الزمالك
تحدث أحمد سيد زيزو لاعب فريق الزمالك، على انتقال أشرف بن شرقي إلى الأهلي في فترة الانتقالات الشتوية الماضية.
تصريحات أحمد سيد زيزو
وقال زيزو في تصريحات تلفزيونية: أشرف بن شرقي كواليتي رهيب وهيضيف كتير جدا للأهلي وفي النهاية هو لعيب محترف.
وأضاف زيزو: أشرف بن شرقي عاش مع الزمالك ذكريات جميلة وجمهور الزمالك كان متعلق بيه جدًا بس في الآخر هو مش ابن النادي والأهلي قدمله عرض وهو حسبها إني هلعب كأس عالم واختار أنه يكون موجود مع الأهلي.
وفي سياق آخر قال زيزو: وأنا صغير مجاش في بالي أي حاجة تانية غير إن أنا لاعب كورة، والكمبيوتر بتاعي وقتها مفيش فيه ألعاب كان كله فيديوهات كورة، وبحب زين الدين زيدان.. وكنت معلق صوره على الحيطة في أوضتي.
وأكمل: عملت اختبارات في نادي وادي دجلة وكان وقتها النادي درجة رابعة، وكان عندي وقتها 10 سنين، وتم اختياري في الأكاديمية اللي تبع النادي، وكنا 7 لاعيبة فقط اللي نجحوا، بعد اختبارات شارك فيها آلاف اللاعبين في المنيا، ولما نجحت طلعوني من المدرسة وروحت في مدرسة في أكتوبر.
وتابع تصريحاته قائلا: كانوا عاملين خطة إني أقعد شهرين في الأكاديمية، وأرجع لمدة أسبوع للبيت وأرجع تاني الأكاديمية التابعة للنادي وده لمدة 7 سنين، وكنت بحلم أبقى لاعب كورة ومشهور.
