راعي كنيسة الروم الأرثوذكس بدمياط يوزع فوانيس رمضان: ببقى مبسوط وأنا بشارك المسلمين فرحتهم| بث مباشر
حرص الأب هشام بندليمون، راعي كنيسة الروم الأرثوذكس في محافظة دمياط، مشاركة المسلمين احتفالاتهم بمناسبة حلول شهر رمضان المبارك، في لفتة إنسانية وطيبة منه تعكس قيمة المحبة والترابط بين المسلمين والمسيحيين.
راعي كنيسة الروم الأرثوذكس بدمياط يوزع فوانيس احتفالًا برمضان
وقال الأب هشام بندليمون، إنه يشعر بسعادة مع حلول شهر رمضان بل أن سعادته لا تقل أبدًا عن سعادة المسلمين باستقبال هذا الشهر الفضيل.
وأضاف أنه اعتاد توزيع فوانيس على المارة في الشارع خلال اليوم الأول من شهر رمضان المبارك من كل عام، معلقًا: اتعودت كل سنة أوزع فوانيس في الشارع قدام الكنيسة في أول يوم رمضان.. وكمان بزين الكنيسة بالفوانيس والنور.
وأوضح الأب هشام بندليمون أن شهر رمضان له قيمة كبيرة لديه ويشعر بالسعادة والبهجة لقدومه في كل عام، قائلًا: شهر رمضان شهر غالي مش في مصر بس بل في العالم كله.. وبنكون سعداء لما بنشاركم الفرحة دي.
وأردف: إيد المسيحي والمسلم لازم تكون مع بعض وهي دي مصر اللي إحنا عايشين فيها.. واتحاد مصر وقوتها باعترافها بالأديان السماوية ووحدة الشعب والحمد لله إحنا عايشين مع بعض في خير وسلام وسعادة.
