أسما شريف منير تعلن ارتباطها: عوض ربنا ليا.. وأحن راجل في الدنيا بعد أبويا
أعلنت أسما شريف منير، ارتباطها وذلك بعد تجربتي زواج خلال السنوات الماضية، معربة عن سعادتها بعلاقتها العاطفية الحالية.
أسما شريف منير تعلن ارتباطها: عوض ربنا ليا.. وأحن راجل في الدنيا بعد أبويا
ونشرت أسما شريف منير، صور لها بعد ارتباطها، عبر حسابها الشخصي بموقع انستجرام، معلقة: عوض ربنا ليا، حبيبي.. أطيب وأحن راجل في الدنيا بعد أبويا طبعًا.. بحبك.
أسما شريف منير
وعلى جانب آخر، سبق وأن علقت أسما شريف منير، على الانتقادات التي تتعرض لها وآخرها بعد حضورها فعاليات مهرجان الجونة السينمائي، حيث كتبت عبر انستجرام: التنمر بالنسبالي بقى نعمة، حسنات بتزيد بلا انقطاع، واللي بينتقدني أو يتنمر عليّ بيديني حسنات مش خسارة، كمان الشخص اللي بيطلع من جواه غل ووحشية، كلامه بيعكس اللي جواه مش أي شيء فيَّ.
كما سبق وعلق الفنان شريف منير، على الانتقادات الموجهة لـ ابنته، قائلًا: أنا وأسما دايمًا بنهبش في بعض وناقر ونقير وببقى خايف عليها وبختلف معاها في حاجات، ولكن بزعل لما بتتهاجم في السوشيال ميديا، يوم ما قصت شعرها أو لما حضرت مهرجان الدراما، ما هي عايزة تشوف الدنيا.
وعن حلاقتها لـ شعرها، فكشف شريف منير رد فعله على حلق ابنته لـ شعرها، قائلًا: قلتلها شكلك حلو، والموضوع مكنش داخل فيه تشبه بالرجال ولكن هي كان عندها مشاكل في شعرها وكان لازم تقصه، الناس بقى قاعدة مستنية أي حاجة علشان تهبش، أنت مش عارف الظروف وأنت مليان عيوب وبتخبط في اللي حواليك، مش يمكن في سبب؟ أو حالة نفسية؟.
