قتلوني يا هند.. بدء أولى جلسات محاكمة المتهمين بقتل شقيق محامٍ بالقليوبية
بدأت المحكمة المختصة اليوم الأحد، أولى جلسات محاكمة المتهمين بإنهاء حياة شقيق محامٍ بمنطقة القليوبية.
بدء أولى جلسات محاكمة المتهمين بقتل شقيق محامٍ بالقليوبية
وحصل القاهرة 24 على نص التحقيقات في القضية، واستمع رجال التحقيق إلى أقوال زوجة المجني عليه وجاءت أقوال كالآتي: اللي حصل إن جوزي كان رجع من الشغل بتاريخ 2024/8/21 وحوالي الساعة 2:10 صباحا لقيته اتصل عليا وقالي أنا راجع من الشغل وجيت أركب توكتوك قالي 30 جنيه وهو ما كانش معاه فلوس غير 45 جنيه وعايز يروح إمبابة عند أمه وفضل يكلمني على التليفون لحد ما سمعت صوت حد بيقوله الساعة كام وهو رد عليه وقاله 2:30 وفضل ماشي وهو بيكلمني في التليفون لحد لما حد تاني سأله قاله الاستيراد منين قاله معرفش كمل معايا على التليفون.
وأضافت زوجة المجني عليه: وبعد كده سأل واحد وقاله الدائري منين فسمعت قاله سيب أول سلم وأطلع تاني سلم وبعد كدة فضل معايا على التليفون لحد ما سمعت صوت حد بيقول لجوزي صوته تخين وصوت حد تاني بقوله اقف يالا وشتمه وقاله مش بقولك اقف وشتمه ثاني وبعدين سمعت صوت خالد جوزي يقول للناس من غير ضرب وبيصرخ وبيقولهم معايش حاجة عشان تاخدوها لأن أنا معايش حاجة ولقيت خالد بيصرخ ويقول قتلوني يا هند وخدوا حاجتي أشهد أن لا إله إلا الله.
