اعترافات سائق التريلا المتهم بدهس شاب بمصر الجديدة: خبطه وهربت لما لقيته لسه صاحي | خاص
كشفت التحقيقات في القضية التي حملت رقم 148 لسنة 2025 جنح مصر الجديدة، والمتهم فيها سائق تريلا لدهسه الشاب أبانوب، والتسبب في وفاته متأثرا بإصابته التي لحقت به، في منطقة مصر الجديدة، تفاصيل جديدة حول الواقعة.
اعترافات سائق التريلا المتهم بدهس شاب بمصر الجديدة
وأضافت التحقيقات أنه بمثول السائق المتهم أمام جهات التحقيقات المختصة وبسؤاله حول ما هي تفصيلاته بشان الواقعة؟، أجاب: اللي حصل إنه يوم الاثنين 9 يناير 2025 حوالي الساعة 3 الصبح، كانت أختي جايه من المطار، وكنت في شغلي عادي ولما عرفت إنها جايه اتصلت بيها وقابلتها أسلم عليها وسلمت عليها فعلًا ومشيت، وأنا كنت في شارع الحجاز ميدان الحجاز أسفل كوبري المحكمة، وكنت بلف الطريق علشان أمشي صح، اتفاجئت إنه مش هعرف أعدي من تحت الطريق، وعلشان كدا مشيت عكس علشان أمشي في الطريق الصح، واتفاجئت بالراجل اللي كان سائق الموتوسيكل ودخلت فيه.
وأضاف: لما خبط في العربية بتاعتي وقع بعيد عن العربية، وبصيت عليه لقيته مرمي على الأرض بس لسه صاحي، فخوفت وجريت، وبعد كدا روحت على الجراج وركنت العربية، ومن الخوف مروحتش البيت، وبعد الحادثة بيوم عرفت إن صحاب العربية راحوا لأبويا البيت وأخدوه معاهم وراحوا على القسم، وبعد كده ناس جت عندي البيت وسألت عليا، وكلمت الضابط واتفقت معاه إني أروح القسم، وروحت القسم فعلًا وحكيت على كل اللي حصل.
وأصدرت وزارة الداخلية بيانا بشأن الواقعة، جاء فيه أن الأجهزة الأمنية كشفت ملابسات ما تم تداوله عبر مواقع التواصل الاجتماعي بشأن ادعاء أحد الأشخاص سير قائد سيارة نقل عكس الاتجاه، والاصطدام بسيارتين وسيدة وشخص بدائرة قسم شرطة مصر الجديدة.
وبالفحص تبين عدم صحة ما ورد بالشكوى، وأن حقيقة الواقعة تتمثل في اصطدام السيارة النقل بدراجة نارية، ما أسفر عن إصابة قائد الدراجة، وفرار قائد السيارة النقل، وتم تحديد السيارة وقائدها وضبطهما، واتخاذ الإجراءات القانونية والإدارية حيال السيارة وقائدها.
