قالتلي متكلميش يوسف تاني.. ننشر نص التحقيقات في تعدي طالبات على زميلتهن داخل مدرسة بأكتوبر| خاص
كشفت التحقيقات التي أجرتها جهات التحقيق المختصة، تفاصيل مثيرة في واقعة تعدي طالبات مدرسة بـ أكتوبر على زميلتهن، وإصاباتها بقطع في الوجه.
واقعة تعدي طالبات مدرسة بأكتوبر
وحصل القاهرة 24 علي نص تحقيقات مع الطالبات المتهمات بالتعدي على زميلتهن داخل مدرسة بأكتوبر، ومديرة المدرسة والأسرة والمجني عليها.
وقالت المجني عليها خلال التحقيقات كالتالي:
س: ما تفصيلات شكواكي؟
ج: هو اللي حصل إن من حوالي شهرين ريان.س زميلتي في المدرسة صورتني من ضهري وانا ماشية في المدرسة وبعتت صوري على الجروبات بتاعة المدرسة وكانوا بيتنمرو عليا ويقولوا عليا إني تخينة وكدة، ولما أنا عرفت إن هي عملت كده واجهتها قالتلي أنا هوريكي وآخر يوم في امتحانات الترم الأول لما طلعت من المدرسة لقيتها واقفة ومعاها ولدين شكلهم في الجامعة، وكانوا ماسكين مطاوي في إديهم بيلعبوا بيها ولما المديرة بتاعة المدرسة شافت المنظر ده دخلتني جوا المدرسة وقالتلي مش هتمشي من المدرسة الا لما أهلك يجوا ياخدوكي.
وأضافت المجني عليها أمام جهات التحقيق: المدرسة فصلت ريان المتهمة الأولى، ومنعتها من دخول المدرسة إلا في أوقات الامتحانات فقط وفي الامتحان هي كانت موجودة، وفي اليوم ده لقيت صاحبتي جاية بتقولى تعالى معايا الحمام ولما روحت معاها ودخلت لقیت ریان وباقي المتهمين، وريان قالتلي أنا مفصولة بسببك وابعدي عن يوسف متكلمهوش تاني، قلتلها مش هبطل أكلمه عشانك والباقي قعدوا يتنمروا عليا وراحت وشدوني من شعري وضربوني وريان طلعت موس من الشراب وضربتني بيه في وشي وبعد كده كلهم جريوا وأنا خرجت من الحمام.
وتابعت المجني: هما كانوا بيضربوني برجلهم في راسي وفي ضهري وضربتني بالموس في وشي.
من جانبها، نفت المتهمة أمام جهات التحقيق جميع الاتهامات المنسوبة إليها.
وأضافت أنها أخبرت المجني عليها أكثر من مرة بالابتعاد عن شاب يدعى يوسف في المرحلة الجامعية، وأنها كانت تعاتبها على فصلها من المدرسة فنشبت بينهما مشادة كلامية تطاولت لتعدي بالضرب فحاولت المتهمته الدفاع عن نفسها.
