المتهم بالتعدي على مسنة الزقازيق: بتهددني كأنه بيتها مش بيتي.. وصوروني عشان يلبسوني قضية
كشف الدكتور أحمد الضيائي، المتهم بالتعدي على سيدة الزقازيق وسحلها بسبب تعثرها في دفع الإيجار للعقار الخاص به بالشرقية، تفاصيل الواقعة.
اعترافات الطبيب المتهم بالتعدي على سيدة الزقازيق
وقال المتهم بالتعدي علي سيدة الزقازيق أمام جهات التحقيق باعترافاته، أنه تحملها لمدة 6 شهور ولكنها لا تريد دفع إيجار شقته التي تسكنها، موضحا أنه تحملها كثيرا لأجل ظروفها كما أنها سيدة مسنة.
وأضاف: رفضت تسيب المكان وقالت مش هخرج منه وده ملكي مش ملكها، هي مأجرة مني وأنا حر في ملكي أنا استحملتها 6 شهور عشان ظروفها وإنها ست كبيرة اتصرفت وقفلت الخدمات عنها مياه وكهرباء فقررت تههدني وتقف أمام الباب وتمنعي من الخروج، وسبت وألفاظ خارجة هي وبنتها كأنه بيتها مش بيتي.
وأكمل المتهم: حاولت أخرج منعتني من الخروج فا اتعصبت عليها فتوثق الحدث بكل دهاء لتظهره وكأني بسحلها وبنتها صورتني عشان يلبسوني قضية، وللانتقام مني عشان عايز حقي هما مش عايزين يدفعوا الإيجار القديم وينتظموا في دفع الايجار والخدمات، ولا عايزين يسيبوا الشقة عشان أاجرها واستفيد منها ما هو ده ملكي مش ملكهم.
وأضاف: سيبتها وطلعت لقيت بنتها نشرت فيديو والكل مشيّر وناشر وكل المواقع الإخبارية ناشرة وراها، وبيتهموني بأني بسحلها وبتعدى عليها ومحدش فهم الحقيقه فين.
