بيأخرونا بالساعات.. وزير الصحة يستمع لشكوى مريض غسيل كلوي بالمنيا | فيديو
تفقد الدكتور خالد عبد الغفار، نائب رئيس مجلس الوزراء وزير الصحة والسكان، رفقة اللواء عماد كدواني محافظ المنيا، اليوم السبت، مستشفى العدوة المركزي بمحافظة المنيا.
وحرص وزير الصحة على الاستماع لشكاوى المواطنين خلال زيارته بالمنيا، ومنهم مريض غسيل كلوي، حيث اشتكى له من الوقوف وانتظار الدخول بالساعات.
ورد عليه وزير الصحة قائلا: الدخول بمعاد ولازم نلتزم بالمواعيد والنظام الجديد، ولما بنقولك إن التعليمات كده فإحنا مش بنحسسك إنك في مدرسة، لكن بنقولك إن النظام الجديد هو ده.
ورد عليه المريض: أنا حضرت 4 مديرين بالمستشفى وأول مرة أشوف النظام ده في ظل المدير الموجود حاليا.
وقال مريض آخر: الأمن بيقولي استنى ساعتين تلاتة تاني، وأنا تعبان مش قادر اتنفس، أنا بغسل كلى.
ورد عليه وزير الصحة قائلًا: لازم يكون فيه وقت بين كل حاجة علشان بنعقم الأجهزة.. وأنا لحد دلوقتي مستغرب من حاجة، وهي إنهم مشكرتوش الدولة، لازم نشكر الدولة اللي عملتلنا الحاجات دي كلها على حسابها، الأول لازم تقولوا شكرا على المبنى الكبير والأجهزة اللي انتوا جبتوها وبعدين تقولوا إحنا عندنا بعض الطلبات، دي اسمها الأصول.. اللي انتوا فيه دا مش موجود في أي محافظة تاني، ودا حقكم علينا لكن لازم تشكروا الدولة على اللي هي عملته.
