بعد منعه من الغناء.. مسلم: هرفع قضية على النقابة ومش هسيب حقي
شهدت الفترة الماضية العديد من الصراعات بين مطرب المهرجانات مسلم ونقابة الموسيقيين، خاصة بعد إصدار النقابة قرارًا بوقفه عن الغناء بسبب مخالفات تعاقدية.
مسلم: قرار النقابة بوقفي مش سهل.. ولما اعتذرت عن حفلة كان عندي ميكروب بـ الدم
وظهر مسلم في فيديو عبر حسابه الرسمي بموقع تبادل الصور والفيديوهات إنستجرام، قائلًا: قرار النقابة بوقفي من الغناء مش سهل.. والنقابة في أي بلد لما بيكون في مشكلة بيكلموا الشخص وبيحققوا معاه وأنا محدش اتكلم معايا.. ولما اعتذرت عن حفلة كان عندي ميكروب في الدم ومعايا الورق اللي يثبت، وبتصل بيهم مش بيردوا عليا.. والقرار اللي طلع معلهوش إمضاء مصطفى كامل.. وهرفع قضية ضد النقابة.
ومنذ ساعات قليلة نشر مسلم استوري عبر حسابه الخاص على إنستجرام، قائلًا: حسبي الله ونعم الوكيل في النقابة، وكل اللي فيها وربنا كبير مش بيضيع حق حد، وأنا اتظلمت كتير وربنا مش بيسيب حق حد، وأنا في دولة قانون، ومش هسيب حقي ولو أنا ناجح مخليكوا كارهني ده بيكون مرض برضه، ومش ذنبي إني أنسان كويس وبسعى علشان أوصل لحلمي وهفضل أواصل علشان أوصل لحلمي، ومش هسيب حد، ربنا كبير وحسبي الله ونعم الوكيل في كل اللي ظلمني.
