دياب: قدمنا الحارة الشعبية في قلبي ومفتاحه باللي يرضي ضميرنا كفنانين.. وعشت 29 سنة في إمبابة
تحدث الفنان دياب، عن تناول وتقديم الحارة الشعبية في مسلسل قلبي ومفتاحه، بطولة الفنانة مي عز الدين، والفنان آسر ياسين، والذي حقق نجاحًا كبيرًا منذ عرض أولى حلقاته في السباق الرمضاني 2025.
وقال دياب، في لقائه مع القاهرة 24: المخرج تامر محسن قدم الحارة الشعبية في مسلسل قلبي ومفتاحه بالشكل اللي يرضي ضميره واللي يرضي ضميرنا كفنانين، ده شكل الناس الشعبيين اللي أنا أعرفهم واللي أنا اتربيت وخارج من وسطهم، لأني عيشت في إمبابة 29 سنة ومقدرش أتنصل منهم ومش عايز، جذوري كلها هناك.
دياب يكشف تفاصيل مشهد موعد على العشاء
وكان كشف الفنان دياب، تفاصيل تحضيرات مشهد موعد على العشاء، في مسلسل قلبي ومفتاحه، قائلًا: البطل الحقيقي في المسلسل ده هو المخرج تامر محسن، وهو بطل المسلسل كله، والمشهد ده بالذات إحنا مكنش بيجيلنا حلقات على بعضها، كان بيجيلها مشاهد اليوم بنذاكرها كحفظ وبنشوف وجهة نظر تامر محسن فيها، في مشهد موعد على العشاء ده هو قعد ما لا يقل عن ساعة ونص بيشرحلنا المشهد ومشاعر كل شخصية، وإحنا كنا مصدومين من كم المشاعر اللي المفروض نطلعها في المشهد.
مسلسل قلبي ومفتاحه
مسلسل قلبي ومفتاحه، يشارك في بطولته نخبة من أبرز الفنانين منهم: آسر ياسين، مي عز الدين، ميس حمدان، أحمد خالد صالح، أشرف عبد الباقي، والعمل مكون من 15 حلقة، وإخراج تامر محسن وإنتاج محمد السعدي - شركة media hub.
