إمام جامع لعب بالبلونات مع الصغار داخل المسجد بالإسماعيلية: هدفي كان إدخال السرور على قلوبهم| بث مباشر

انتشر خلال الساعات الماضية على مواقع التواصل الاجتماعي مقطع فيديو يُظهر شيخًا يلاعب الصغار داخل أحد المساجد باستخدام بالونة، ما أثار جدلًا واسعًا بين المستخدمين، إذ انقسمت الآراء بين مؤيد يرى أنها وسيلة لجذب الصغار إلى المسجد، ومعارض يعتبر ذلك خروجًا عن قدسية دور العبادة.

إمام جامع لعب بالبلونات مع الصغار داخل المسجد بالإسماعيلية: هدفي كان إدخال السرور على قلوبهم

وقال الشيخ جاسر صلاح الدين، صاحب الفيديو المنتشر، إن هدفه كان رسم البهجة والفرحة على وجوه الأطفال، مضيفا: إحنا مش بنقلل من قيمة المسجد لكن هدفنا كان إدخال السرور والبهجة على وجوه الأطفال.

وأردف صاحب فيديو البالونات داخل المسجد: كنا بعد صلاة العيد والطفل كان عايز البالونة فحاولت استدرجه بها علشان يخرج بره المسجد؛ علشان نقفله لكن دون تنفير من المسجد، إحنا بنحاول نحبب الأطفال في المسجد والوجود، ونقتدي في ده بمشايخ كبار.

وأضاف: الموضوع فرعي وبسيط جدا ميستاهلش كل ده، وإحنا مكناش قاعدين بنلعب كوتشينه لكن كان فعل عفوي ولطيف مع الأطفال، وعمري ما أقصد إهانة المسجد، وأنا ارتدي الزي الأزهري، لكن كان قصدي إدخال السرور والفرحة على وجوه الأطفال.

واستكمل إمام المسجد: الفيديو لا يتعدى الـ 15 ثانية ولا يستاهل كل هذه الضجة؛ لإن ديننا دين قدوة وسماحة، ومعاملة الأطفال بغلظة في المسجد بينفّرهم منه ودا اللي بنتجنب فعله.