شقيق أنوسة كوتة لضحية حادث سيرك طنطا: مش شغلتك تربط الحيوانات.. وأختي قعدت في النيابة 10 ساعات
رد شقيق مدربة الأسود أنوسة كوتة، على الاتهامات التي طالتها من مساعدها بعد حادث سيرك طنطا، موضحًا أن جميع تصريحاته ما هي إلا ادعاءات كاذبة، على حدّ قوله.
شقيق أنوسة كوتة لضحية حادث سيرك طنطا: مش شغلتك تربط الحيوانات
وقال شقيق أنوسة كوتة، في فيديو عبر فيس بوك: مش شغلتك تربط الحيوانات، كان ممكن تموت وربنا نجاك، وبغض النظر إنك عملت كارثة عشان تتمنظر قدام صحابك، أنت عملت كارثة وكنت هتضيع المدربة والجمهور كله بسبب أنك بتتمنظر، مبسوط؟ وبعدين بتقول إن الحيوانات دي مكلتش من 10 رمضان، يعني من 25 يوم، يعني الأولى ياكلوا اللي دخلهم القفص، اللي هي المدربة مش اللي واقف برا، أنت جاي تتمنظر قدام صحاب على حيوانات متعرفكش!! مستني منهم إيه؟
وأردف شقيق أنوسة كوتة: بعدين مش عيب لما تقول إن المدربة معبرتكش وهي اللي ودتك المستشفى بهدوم الشغل، ولا أنت جامد أوي ورحت لوحدك المستشفى؟ وبعدين هي اتسحبت لـ النيابة وقعدت حوالي 8 أو 10 ساعات هناك، شوف هي كانت بتعمل إيه عشان تحميك وتحمي الناس اللي موجودة كلهم، طب أنت عندك علم إنها كلمت عيلتها كلها علشان يجوا يقفوا معاك.
شقيق أنوسة كوتة: إحنا كده محتاجين نفرغ الكاميرات
وواصل: أبقى اتفرج هي عملت إيه لما النمر هجم على إيدك، وشوف في كام أسد نزل على الأرض وهي مدياهم ضهرها، هي كان ممكن تضيع في ثانية، ولما عم شعبان دخل دي كارثة، لأن أنوسة بقى عليها 3 مسؤوليات أنها تفك النمر اللي هجم على إيدك، وتحمي عم شعبان، وتأمن إن مفيش حيوان يخرج برا القفص، إحنا كده محتاجين نفرغ الكاميرات.
حادث سيرك طنطا
وتعود تفاصيل الواقعة إلى إصابة مساعد مدرب بالسيرك المقام بأرض البوريفاج بطنطا بعقر أحد النمور، ما أدى إلى تهتك بذراعه الأيسر، وذلك خلال تقديم أحد العروض داخل السيرك.
