هل تحمل رسائل للوسط الفني؟.. كلمات أغنية محمد رمضان الجديدة: هو بيمشي وكله وراه
طرح الفنان محمد رمضان أغنيته الجديدة قالوا إيه، الأغنية تحمل كلمات مليئة بالثقة بالنفس والتحدي، حيث يرد رمضان من خلالها على العديد من الأقاويل التي تثار حوله، خاصة بعد تصريحه الشهير لـ ياسمين صبري “أنتي مجنونة” والذي اعتذر عنه مؤخرًا.
وتعكس كلمات الأغنية، التحديات التي يواجهها الفنان في حياته المهنية والشخصية. قالوا إيه؟ قالوا أه.. قالوا هو بيمشي وكله وراه، هي بداية الأغنية التي تبرز كيف يتحدث الناس عنه باستمرار، بينما يظل هو ثابتا ومضيئا في طريقه.
كما تكرر الأغنية جملة دي الثقة في الله، مما يعكس تمسك رمضان بالثقة بالله في تحقيق النجاح رغم الظروف.
كلمات أغنية قالوا إيه لـ محمد رمضان
قالوا إيه ؟ قالوا أه.. قالوا هو بيمشي وكله وراه
قالوا إيه ؟ قالوا أه.. قالوا عمرها ما بتطلع براه
قالوا عني أي أرض نزلتها.. أنا كسبت فيها محبة أهلها
قالوا قد أي كلمة أنا قولتها.. شعبية طاغية ومفيش زيها
قالوا عني نجم نازل من السما.. لو روحت حتة تقلب ملحمة..
ملعوبة مني تيجي بمعلمة.. أنا فعل بس وأنتم مكلمة
قالوا عنده عزبة وفي ضهره عزوة وفي أي حسبة يطلع فهمان
قالوا عني حملة وإخواتي دولة وفي كل جولة بطلع كسبان
قالوا عني فلتة واد رجله ثابتة وفي كل حتة ليه أصحاب جدعان
لو غيبت غيبتي برجع بهيبتي وتشوفوا صورتي دي في كل مكان
قالوا إيه ؟ قالوا أه
قالوا هو بيمشي وكله وراه
قالوا إيه ؟ قالوا أه
قالوا عمرها ما بتطلع براه
قالوا إيه ؟ قالوا لأ قالوا دايمًا كدة يطلع على حق
قالوا إيه ؟ قالوا لأ قالوا سبق الكل وعدى بفرق
قالوا إيه ؟ قالوا ياه قالوا جت بالحظ وماشية معاه
قالوا إيه ؟ قالوا ياه وأنا لسه بقول دي الثقة في الله
