ضحية النمر بعد محاولة منعه من الظهور مع عمرو أديب: أمن المستشفى قالي هكسرلك الموبايل وأغمى عليا| بث مباشر
كشف محمد البسطويسي، عامل سيرك طنطا، ضحية هجوم النمر في الحادث المأساوي الذي أدى إلى بتر ذراعه، تفاصيل محاولة أمن المستشفى الذي يتلقى به العلاج منعه من الظهور مع الإعلامي عمرو أديب والحديث معه على الهواء.
العامل ضحية النمر يكشف محاولة منعه من الظهور مع عمرو أديب
وقال ضحية النمر إنه حصلت مشادة بينه وبين عدد من أفراد أمن المستشفى خلال مداخلته الهاتفية مع الإعلامي عمرو أديب عبر برنامجه.
وأضاف: كنت بتكلم في مداخلة مع عمرو أديب امبارح وحصلت مشادة، فرد أمن المستشفى قالي هكسر لك الموبايل وأقفل المكالمة، كان عاوز ياخد مني الموبايل بالقوة بس مرضتش وقولت له أنا هجيب حقي، للأسف كنت تعبان جدًا امبارح بسبب اللي حصل ده وأغمى عليا.
وأضاف ضحية النمر أنه تم نقله إلى مستشفى الجراحات الجديدة في طنطا وحالته شهدت بعض التحسن، موجهًا الشكر إلى رئيس جامعة طنطا على اهتمامه به وبحالته.
واستكمل: لما بشوف تعاطف الناس معايا بحس إن دراعي مراحش مني، كل الناس اللي حواليا وصحابي هما دراعي وده بيطمني، خطيبتي مسابتنش من يوم الحادثة عشان هي بنت أصول، بعد الحادثة قولت لها شوفي حالك عشان أنا مبقتش نافع، ردت وقالت لي أنا مش هسيبك هو أنا بحبك عشان إيدك؟
