رنا سماحة في رسالة غامضة: واحد تبرأ من أم ابنه.. وعايز فلوس الأكل والهدايا!
أثارت الفنانة رنا سماحة الجدل مجددًا برسالة غامضة نشرتها عبر حسابها الشخصي على موقع التواصل الاجتماعي فيسبوك، وذلك بعد حصولها على حكم قضائي بالعودة إلى منزل الزوجية، عقب رفعها دعوى خلع ضد زوجها المطرب سامر أبو طالب.
وجاء في نص رسالة رنا سماحة: مرة واحد اتخلع وتبرأ من كل حقوق أم ابنه، راح للقاضي طلب فلوس الخروجات اللي كانوا بيخرجوا فيها مع بعض، والأكل اللي أكله ليها.
وأضافت رنا سماحة: لما أخد في وشه، راح رافع قضية بيطالب فيها بالهدايا اللي جابها لها وفلوس الخروجات برضه، آه والله زي ما بقولك كده. أهم حاجة بوستات التدين المفرط، الحمد لله على نعمة الشبع.
ورغم أن رنا سماحة لم تذكر أسماء صريحة في رسالتها، إلا أن المتابعين ربطوا ما كتبته بالتطورات الأخيرة في علاقتها بزوجها السابق سامر أبو طالب، خاصة بعد الأزمات المتتالية التي وصلت إلى أروقة المحاكم، وانتهت بصدور حكم لصالحها بالعودة إلى منزل الزوجية.
تصريحات رنا سماحة
وعلى جانب آخر، سبق وكشفت رنا سماحة، أسباب انفصالها عن زوجها الملحن سامر أبو طالب لأول مرة، بعد زواج استمر 5 سنوات، ورفعها قضية خلع مؤخرًا.
وقالت رنا سماحة خلال تصريحات تليفزيونية: انفصلنا لما كنت حامل ورجعنا حطينا شروط علشان مكناش حاطين لحياتنا شروط قبل كده، كل واحد فينا مختلف وكان عايش بطريقة مختلفة ومش عايز الطرف التاني يأثر أو يسيطر عليه أو يغير فيه حاجة لما حطينا الشروط عشان نكمل ده محصلش.
واستكملت رنا حديثها: مش شروط على قد ما هي أساسيات، زي الخصوصية بتاعت البيت لازم تكون بين الزوج والزوجة مش بس فكرة جوازي، لكن أحس أني ست وعايزة الطرف التاني يكون سندي وضهري، كنت حاسه إني لوحدي وبشيل مسؤولية نفسي، أحيانا كان بيساعدني، أنا وسامر اتجوزنا بسرعة رهيبة مكنش في بينا قصة حب كبيرة، مهما كان صاحبي، قفلة البيت حاجة تاني على الشخصين.
