تبطين التابوت ورش مواد عطرية.. ننفرد بنشر نص تحقيقات سفاح المعمورة وحديثه عن نقل جثة زوجته إلى شقته الجديدة | ج 4
كشفت التحقيقات مع المحامي نصرالدين السيد، الشهير إعلاميا بسفاح المعمورة، الستار عن تفاصيل نقله لجثة المجني عليها زوجته منى فوزي، والتى تضمنت تفاصيل مروعة.
نص التحقيقات مع سفاح المعمورة عن كيفية نقل جثمان زوجته
حصل موقع القاهرة 24 على نص التحقيقات وأقوال سفاح المعمورة حول كيفية نقل جثمان زوجته منى من محل سكنهم إلى شقته الجديدة.
جاء نص التحقيقات كالتالي:-
س ماهي كيفية نقلك لجثمان المتوفيه إلى رحمة مولاها منى فوزي من الوحدة السكنية محل ارتكاب الواقعة إلى الوحدة السكنية الأخرى ؟
ج هو اللي حصل إن في شهر 8 /2024 صاحبة الشقة اللي انا ماجرها طلبتها مني فأنا اضطربت اني انا انقل حاجتي وسعتها انا جبت عمال يومية واتفقت معاهم علي إن إحنا ننزل العفش من البيت وبالفعل جابوا ونش ونزلنا العفش كله ما عدا الصندوق ده اللي كان فيه الجثة انا نزلته علي السلم مع بواب شغال في عمارة البنك الاهلي بطوسون ونقلته للشقة الثانية اللي أجرتها في المعمورة البلد مع باقي العفش بتاعي.
س وما هو تاريخ نقلك الجثمان؟
ج هو تقريبا كان في شهر 8- 2024
س وكيفية توصلت إلى هؤلاء العمال ؟
ج هم العمال دول عمال يومية جبتهم من الشارع بس اللي نزل معايا الصندوق اللى فيه الجثة بواب عمارة البنك الأهلى بس معرفش اسمه ايه
س وما هي بياناتهم تحديدا ؟
ج معرفش
س وهل شاركك أي منهم في نقل ذلك التابوت؟
ج أيوه هو البواب بس
س وهل داخل سالف الذكر الشك بشأن محتواه ؟
ج لا
س وهل بعد مرور تلك المدة الطويلة ألم ينبعث من الجثمان أية روائح تثير التساؤل ؟
ج لا ده عشان انا كنت راشش كمية من البرفان كبيرة على الصندوق عشان متطلعش منه أي روائح ساعة النقل.
س ثبت بمعاينه النيابة العامة للعين محل ارتكابكم للواقعة واستخراج جثمان المتوفي إلى رحمة مولاها تعالى مني فوزي ثابت، من حيث مكان اخفائك لها انه قد تم دفن الجثمان بأرضية الغرفة الخاصة بذات العين بعمق تقريبا متر من سطح الأرض فما
تعليلك لذلك تحديدا ؟ " تلوناء علية تفصيلا "
ج أيوه الكلام ده حصل.
س وما هي تحديدا كيفية ارتكاب تلك الواقعة محل السؤال سالف الذكر ؟
ج أنا لما قتلتها وحطتها في التابوت في شقة طوسون ولما عزلت ورحت شقة المعمورة البلد أخدت التابوت معايا مع العفش وحفرت حفرة في الاوضة اللي ادام المطبخ ودفتها فيها.
س وهل أبصر أحد حدوث تلك الواقعة حال ارتكابك لها ؟
ج لا الكلام ده حصل جوه البيت بتاع طومسون وكنا لوحدنا ولما دفتها في شفة المعمورة الباد مكنش في حد معانا.
س حدد لنا المدة الزمنية المستغرقة في تنفيذ مخططك الاجرامي محل الواقعة تحديدا ؟
ج أنا مش عارف كانت المدة قد ايه.
س وهل من ضمن مخططك الإجرامي التخلص من جثمان المتوفية إلى رحمة مولاها سالفة الذكر ؟
ج أنا مكنتش مخطط لموضوع التخلص من جثتها بس بعد ما قتلتها أنا عملت التابوت الخشب اللي حطيتها فيه لحد لما أجرت شقة في الدور الأرضي ودفنتها هناك.
س ولما لم تقم بمحاولة التخلص من جثمان سالفة الذكر ؟
ج الشقة التي حصلت فيها الواقعة دي كانت في الدور 3 علوي وأنا كنت مش عارف أودي الجثمان ده فين لحد ما أجرت الشقة اللي في المعمورة البلد ونقلت التابوت الخشب اللي فيه الجثمان مع العفش وهناك الشقة دي كانت في الدور الأرضي وحفرت الحفرة اللي دفنت الجثة فيها.
س وما هي كيفية إعداد ذلك التابوت الخشبي تحديد؟
ج أنا في نفس اليوم اللى قتلتها فيه رحت لنجار في المنطقة معرفش اسمة بس هو المحل بتاعة موجود في شارع 25 مقابل كافية أرابيسك، وقلتلة عاوز اعمل صندوق خشب من اللى بيتحط جنب السرير وقلت له يسبب جهه مفتوحه عشان أبقى أخزن فيه اللى أنا عوزه وهو أخد مده ساعتين تقريبا وعمله.
س وما هو اسم سالف الذكر ؟
ج معرفش اسمة بس هو المحل بتاعة موجود في شارع 25 مقابل كافية ارابيسك.
س الم يدر بينك وبين سالف الذكر ثمة حديث بشأن الغرض من وراء إعداد ذلك التابوت؟
أيوه زي ما قلت انا قلتلة ان الصندوق ده هستخدمة في تخزين الهدوم
س الم يثر بداخله الشك من وراء وصفك للتابوت الذي قام بأعداده ؟
ح لا عشان انا اديته مواصفات صندوق خشبي عادي بالمواصفات اللى كانت في دماغي وهو مكنش عنده أي علمز بالغرض بتاعي.
س وما هي الفترة الزمنية التي استغرقها اعداد ذلك التابوت؟
ج حوالي ساعتين تقريبا
س وأين كنت تحتفظ بجثمان المجني عليها خلال تلك الفترة ؟
ج هو الجثة كانت موجودة زي ما هي في الصالة لحد ما عملت الصندوق ورجعت به.
س الم بيصرك أحد من الجيران حال عودتك بذلك الصندوق في ذلك اليوم؟
ج معرفش ماخدتش بالي بس هو مكنش في حد في الشارع غيري واللي كان بينزل معايا
