رحمة محسن تكشف عن عملها قبل الشهرة: كنت واقفة بعربية قهوة في زايد وأكتوبر
تحدثت الفنانة رحمة محسن عن تفاصيل من حياتها قبل الشهرة، كاشفة عن عملها السابق في شوارع زايد وأكتوبر، حيث كانت تدير عربة قهوة وتخدم الزبائن بنفسها.
تصريحات رحمة محسن
وقالت رحمة خلال لقائها مع الإعلامي عمرو أديب، ببرنامجه الحكاية، المذاع عبر شاشة MBC مصر: أنا اللي كنت واقفة بعربية القهوة في زايد وأكتوبر.. وكان فيه فنانين ومذيعين كتير بياخدوا مني.. والناس دلوقتي بتنشر الصور دي وبتقولي الله يرحم أيام زمان.
رحمة لم تخف ماضيها بل تحدثت عنه بكل فخر، معتبرة أن ما مرت به هو جزء من رحلتها وكفاحها، مؤكدة أن النجاح لم يأت من فراغ، بل بعد تعب وشقاء: أنا اجتهدت وعملت اللي عليا وربنا كرمني.. وأي حد معترض أو بيقارني بفترة شغلي السابقة، يبقى معترض على كرم ربنا.
وقالت رحمة محسن: عايزة أشكر النجم الكبير أحمد العوضي هو شهم وجدع أوي وصدقني وآمن بيا، والحمد لله أنا مخذلتهوش والأغنية لحد دلوقتي شغالة في كل مكان في مصر.
وأضافت: بدايتي كانت في مسرح البالون وكنت بغني في فرقة الإنشاد الديني، ودرست مزيكا في معهد الموسيقى وابتعدت شوية عن المجال ورجعت تاني الفترة دي، وربنا وقف جنبي أوي.
