أشرف فايق عن الأيام الأخيرة لـ سميحة أيوب: كانت هتعتزل التمثيل.. وكانت بتجري في طرقات المسرح رغم تعبها
تحدثت المخرج أشرف فايق، عن الأيام الأخيرة في حياة سيدة المسرح العربي الفنانة الراحلة سميحة أيوب، موضحًا أنها كانت ستقدم على اعتزال التمثيل في أيامها الأخيرة.
وقال أشرف فايق، في لقائه مع القاهرة 24، من أمام منزل سميحة أيوب: البقاء لله، سميحة أيوب بالنسبة ليا أم وأخت وصديقة وحاجات كتير، مش عارف الواحد المفروض يقول إيه في الظروف اللي زي دي ولكن الله يرحمها، كنت بستمد منها الطاقة والقوة وبتكلمني بـ استمرار تقولي شد حيلك وبرافو عليك ومتابعاك، وأنا عملتلها آخر فيلم ظهرت فيه كان فيلم قصير 11 دقيقة و40 ثانية، وخدت فيه جائزة أحسن ممثلة في مهرجان العودة الفلسطيني، وهي اللي يرحمها مكنتش قادرة تروح تستلم الجائزة.
وأضاف أشرف فايق: اللي فاكره وينسب لها أنها كانت تقريبًا اعتزلت التمثيل ولما عرضت عليها فكرة الفيلم قالتلي أنا معاك، لأنها اعتبرت أن ده رسالة للأجيال الجديدة علشان نعرفهم رموز الفن في مصر، ولكنها قررت بـ جرأتها وقوتها إنها تعمل كده بنفسها وهي قالت الولد للولد اللي بيمثل قدامها من جوا بيتها يلا نروح بيتي التاني اللي هو المسرح، وبمجرد ما شافت المسرح وهي نازلة من العربية وهي تعبانة جريت وكانت بتجري في طرقات المسرح القومي، الله يرحمها.
واختتم: هي كانت بتتحامل على نفسها وقت تعبها علشان اللي حواليها، كانت بتمرض كام يوم وتقوم وتمرض وتقوم، وكل اللي حواليها عارفين أن هذه السيدة ملهمة.
