لبنى عبد العزيز تطمئن الجمهور على حالتها الصحية وتكشف عن طقوسها في يوم عرفة
طمأنت الفنانة لبنى عبد العزيز، جمهورها على حالتها الصحية، كما كشفت عن طقوسها الدينية في يوم وقفة عرفات، موضحة أنها تدعي لـ وطنها مصر بالأمن والسلام.
وقالت لبنى عبد العزيز، في تصريح لـ القاهرة 24: أنا الحمد لله بخير وصحة، وبقضي يوم عرفة بالصيام والصلاة والقرآن، وبدعي لبلدي وأولادي ربنا يحفظهم من كل شر.
لبنى عبد العزيز: مش هرجع التمثيل إلا بعمل عظيم
وسبق وكشفت الفنانة لبنى عبد العزيز، إمكانية عودتها للتمثيل من جديد، قائلة: أنا كويسة وصحتي جيدة، وبعمل عملي وشغلي وكويسة وكل حاجة تمام وبكتب المقالة بتاعتي وركن الأطفال بتاعي كل أسبوع.. وطول وقت بتابع الأحداث.
وتابعت لبنى عبد العزيز: الحاجات اللي بتتعرض عليا مش في مستوايا.. ومش هرجع للتمثيل لأن مفيش حاجة من اللي كانت بتتعرض عليا السنين اللي فاتت كانت مقنعة بالنسبة لي، في نفس الوقت أنا مش بفكر في الاعتزال لكن لو حاجة ممتازة والإنتاج عظيم والعمل مكتوب كويس هرجع، ومعرفش حد من مخرجين النهارده وآخر حد اشتغلت معاه كان علي إدريس.
وعن عدم مشاركة الفنانين القدامى في أعمال فنية، قالت لبنى عبد العزيز: عدم مشاركة الفنانين من الجيل القديم في أعمال فينة في الوقت الحالي، يعتبر عدم تقدير من المخرجين لهذا الجيل.
