زواج أسما شريف منير يشعل مواقع التواصل الاجتماعي
شهدت مواقع التواصل الاجتماعي خلال الساعات الماضية تفاعلًا واسعًا بعد تداول صور وفيديوهات من حفل زفاف البلوجر والإعلامية أسما شريف منير، الذي أُقيم في أجواء مبهرة جمعت بين الأناقة والبساطة، بحضور عدد من الأصدقاء المقربين.
حفل زفاف أسما منير
لفتت أسما شريف منير الأنظار بإطلالة أنيقة وجذابة، حيث ارتدت فستان زفاف بلمسات ملكية ناعمة، تميز بتطريز يدوي راقٍ وتصميم بسيط بقصة الكتف المكشوف، وقد تصدرت اسمها محركات البحث بعد مشاركتها جمهورها بعض اللقطات الخاصة من الحفل عبر حسابها الرسمي على مواقع التواصل الاجتماعي.
وكانت أعلنت أسما شريف منير، عبر حسابها الرسمي على إنستجرام زواجها، قائلة: أنا الحمد لله اتجوزت، وده قرار جه بعد فترة طويلة من رحلة عشتها مع نفسي.
وتابعت عبر حسابها الرسمي على إنستجرام: من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات مابقيتش بحبها، فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود.
وأكملت: وقعدت فترة كبيرة جدًا بدعي ربنا بإنه يعوضني خير ويعوضني خير صبري، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا، وحاولت إني أدعي ربنا كتير قوي إنه يقف جنبي ويختار لي، وكنت دايمًا بقول: يا رب اختار لي ولا تخيرني.
أسما منير توجه رسالة للفتيات
وفي رسالة مؤثرة وجهتها للفتيات من حفل زفافها، قالت أسما: متفكروش في الماديات، أنا مفكرتش أعمل فرح كبير، وكنت عاوزة أعمل حاجة أقدر عليها وتكون في استطاعتي.
وأضافت أسما شريف منير عبر حسابها على إنستجرام: اختارت أن الديكور يكون بسيط وألبس حاجة بسيطة وده بقوله عشان أقول للبنات متفكرش في الماديات والفستان يبقى منين على قد ما تفكر هي بتختار مين، والاختبار ده جالي بعد تجارب صعبة عديت بيها.
شريف منير يوجه رسالة مؤثرة لابنته وزوجها
وخلال عقد القران، وجه الفنان شريف منير رسالة مليئة بالمشاعر لزوج ابنته، حيث قال:أهم حاجة أنك تحتويها.. أسما تعبت وكافحت في حياتها، ووقفت جنبي كتير. هي بالنسبة لي زي الأم لأنها كانت دايمًا بتوجهني. مش طالب منك غير إنك تحتويها، لأن في يوم من الأيام همشي، وعاوز أكون مطمن عليها.
