زيزو: أتمنى التتويج بدوري أبطال إفريقيا مع الأهلي وتعويض ما فاتني
أكد أحمد سيد زيزو، المنتقل حديثًا إلى صفوف النادي الأهلي، أن طموحه الأكبر في الفترة المقبلة هو الفوز بدوري أبطال إفريقيا والمشاركة في كأس العالم للأندية، لتعويض ما لم يتمكن من تحقيقه خلال فترته مع الزمالك.
زيزو: أتمنى التتويج بدوري أبطال إفريقيا مع الأهلي وتعويض ما فاتني مع الزمالك
وقال زيزو في تصريحات تليفزيونية: نفسي أكسب دوري أبطال إفريقيا عشان مكسبتهاش مع الزمالك، وأشارك في كأس العالم للأندية عشان مشاركتش فيها قبل كده. أنا رايح الأهلي أصلًا علشان أكسب كل البطولات.
وأضاف زيزو: مش مهم الناس تقول إني صفقة قرن أو لاء، المهم ألعب وأكون إضافة حقيقية للأهلي، وأسيب الناس تحكم بعد ما ألعب وتشوف مستوايا في الملعب.
وواصل زيزو: شايف الصفقات الأخيرة للأهلي ممتازة جدًا، وبتعكس وجهة نظر النادي وطموحات جماهيره، وإن شاء الله نكسب البطولات الجاية ونحقق مركز مشرف في كأس العالم للأندية.
وحول جاهزيته البدنية، أوضح زيزو: ما تكلمتش مع ريبيرو حتى الآن، لكني جاهز. رغم إني بعيد عن الملعب بقالى شهر ونص، لكن كنت بتدرب كويس، وريبيرو مش هيحس إني بقالي فترة مش بلعب.
