ماتت صايمة.. أول تعليق من أسرة الطالبة الجامعية ضحية حادث الإقليمي الجديد | خاص
سادت حالة من الحزن بين أهالي محافظة المنوفية على إثر حادث الطريق الإقليمي، الذي أسفر عن مصرع 9 أشخاص وإصابة 10 آخرين، بسبب تصادم سيارتي ميكروباص باتجاه منطقة الخطاطبة بالمنوفية، بنطاق محافظة الجيزة، ومن بين ضحايا الحادث، طالبة كانت في طريقها للجامعة لإحضار أوراق خاصة بالتربية العسكرية.
أول تعليق من أسرة الطالبة الجامعية ضحية حادث الإقليمي الجديد
وقال أحد أفراد أسرة الطالبة منة أحمد ذكي ضحية حادث الإقليمي في تصريحات خاصة لـ القاهرة 24: منة كانت رايحه للجامعة بتاعتها النهاردة وكانت صايمة عشوراء، وحصلت الحادثة اللي ماتت فيها ونحتسبها من الشهداء عند الله، وأهلها دلوقتي في حالة صدمة، ومنهارين وحتى مش عارفين يكلموا حد لأن الخبر صعب عليهم جدا.
وأضاف: منة كانت مثال للبنت الملتزمة وعندها أخلاق عالية واحترام، ووالدها إمام مسجد وعارف ربنا ولحد دلوقتي مش مصدقين اللي حصل ونفسنا يبقى حلم وكانت طالبة جامعية في آخر سنة، ورايحه النهاردة تخلص أوراق التربية العسكرية لكن ده قدرها، وكان كلها أمل تتخرج وتفرح بنجاحها ونتيجتها، وكانت بتشتغل في شركة عشان تساعد في مصاريف دراستها ونحتسبها من الشهداء، إن لله وإن اليه راجعون.
