هجيب حقي بالقانون.. أول تعليق للفتاة صاحبة فيديو التحرش بالفيوم | خاص
كشفت فتاة شابة عن واقعة تحرش تعرضت لها أثناء سيرها بأحد شوارع محافظة الفيوم، ما أثار موجة من الغضب عبر مواقع التواصل الاجتماعي بعد انتشار الفيديو الموثّق للحادثة.
واقعة تحرش في الفيوم
في تصريحات خاصة لموقع القاهرة 24، قالت الفتاة: أنا لسه ما عملتش محضر، بس اللي حصل خلاني في صدمة، كنت ماشية في شارع بمنطقة الدلة، جنب كافيه سبيس، وفجأة شفت راجل على موتوسيكل بيقرب مني وبيقولي كلام غير أخلاقي. اتسمرت في مكاني من الخضة.
وأضافت: لما شافني بصور بالموبايل جري بسرعة واختفى، وأنا حكيت لأهلي بس مش قادرة أقرر إذا كنت هكمل وأفتح موضوع قانوني ولا لأ، علشان حالتي النفسية من وقتها سيئة جدا.
وأكدت الفتاة أن المعتدي ليس شابًا صغيرًا، بل رجل ناضج، متزوج ولديه أبناء، ما زاد من صدمتها تجاه الحادث:أنا مش عايزة حاجة، كفاية اللي شوفته، الشخص اللي اتحرش بيا كبير ومجوز ومخلف، أنا مرعوبة ومش قادرة أخرج من البيت من يومها.
واختمت حديثها: أنا عايزة حقي، حتى لو مفيش حاجة هتعوضني عن اللي حصل. اللي حصل كسرني، وإيدي بتترعش من يومها، ومكنتش أتخيل إن ممكن أتعرض لحاجة زي دي في الشارع.
