بعت العفش عشان مدرسة ولادي.. سيدة تستغيث من طليقها: مبيدفعش نفقة وخد الصيدلية بتاعتي| خاص
استغاثت سيدة من محافظة القاهرة بسبب عدم سداد طليقها نفقة أولادها الـ4 ومنهم طفلة من ذوي الاحتياجات الخاصة، واستحواذه على صيدلية خاصة بها وهو لا يملك إلا حق الإدارة.
سيدة تستغيث من طليقها
خلال الأيام الماضية تعرضت سيدة تُدعى نهى بدر الدين وأطفالها للضرب والتهديد من أسرة الزوج بعد مطالبتهم بحقوقهم، ما دفعها لتحرير محضر في قسم النزهة يحمل رقم 11654 إداري.
وقالت السيدة في تصريحات خاصة لـ القاهرة 24: لما عيالي راحوا طالبوا بحقهم من أهل والدهم ضربوهم وبهدلوهم وعيالي كانوا مصدومين.. وقتها روحت عملت محضر في قسم النزهة، أنا وولادي دلوقتي ظروفنا صعبة جدا خلعت والدهم ومدفعليش لا نفقة ولا مصاريف وعليه قضايا تلزمه بكده بس هو مدفعش ولا جنيه.
وأضافت السيدة: بعد الطلاق أعيش ظروف مأساوية وطالبت بنفقة أطفالي الـ 4 واللي منهم طفلة من ذوي الاحتياجات الخاصة عندها مشاكل في النظر والإدراك وجسمها مش بيكبر طليقي دفع نفقة شهرين فقط.. وبقاله سنة مدفعش، وبجانب ده استولى على الصيدلية اللي والدي سابهالي وهو ملوش إلا حق الإدارة ودلوقتي أخوه شغال فيها وكأنها جزء من ممتلكات عيلته.
وأكملت السيدة: دلوقتي أنا بعت عفش بيتي عشان أسدد المصروفات المدرسية لأطفالي وأعالج بنتي الصغيرة لأنها محتاجة علاج مستمر واهتمام ورعاية، وبقيت بشتغل في مدرسة براتب 2500 جنيه ومستلفة فلوس من طوب الأرض عشان أقدر أعيش أنا وولادي.
وتستغيث نهي لسداد طليقها نفقات الأولاد وإلزامه بالمصروفات المدرسة، واسترداد صيدلية أبيها لمساعدتها في مصاريف المعيشة.
