منظم الحفلات ياسر الحريري بعد واقعة حفل محمد رمضان بالساحل الشمالي: اللي حصل قضاء وقدر
علق ياسر الحريري، منظم حفل الفنان محمد رمضان الأخير بالساحل الشمالي والذي نتج به وفاة شخص وإصابة 6 آخرين عن تفاصيل الحفل، مشيرًا إلى أن الوفاة قضاء وقدر، وليست خطأ من المنظمين، مؤكدًا أن شركة الڤاير وركس هي من الشركات المحُببة لـ الفنان محمد رمضان.
وتحدث ياسر الحريري خلال لايف عبر القاهرة 24 قائلًا: المنظم دوره إنه يجيب الفنان اللي الشركة عاوزاه ودورنا ننسق بين الحفلة والفنان، ومش مهمة المنظم إنه يتدخل في شغل الڤاير وركس، ومحمد رمضان هو اللي متفق مع الشركة دي لأنه بيتعامل معاهم من سنين، وفي النهاية اللي حصل قضاء وقدر ولكن الخضة كانت كبيرة ولازم ندعي للمتوفى لأنه كان رايح يعمل شغله.
منظم الحفلات ياسر الحريري يتحدث عن واقعة حفل محمد رمضان في الساحل الشمالي
وتابع ياسر الحريري: اتعقدت من الفاير ووركس وممكن ألغيهم من حفلاتي الجاية.. بس لو كلنا فكرنا كدة مش هنشتغل لأن الموضوع قضاء وقدر.. وشايف إننا نعمل في مصر هيئة زي هيئة الترفيه ويكون فيها فنيين متخصصين في كل مستزلمات الحفلات ولجنة فنية.
ومن ناحية أخرى، علق الفنان محمد رمضان، على الحادث الذي وقع في حفله بالساحل الشمالي، والانفجار الذي نتج عنه وفاة أحد عاملين الفاير ووركس، وعدة إصابات أخرى، حيث قال في فيديو عبر انستجرام: ربنا يصبر أهل المتوفى في حفل أمس، ويشفي المصابين يا رب، لما شوفت الحدث والانفجار وقفت الحفلة على طول واتعاملت زي أي إنسان وساعدت في نقلهم للإسعاف ووقفت الحفلة.
وتابع محمد رمضان: بشكر الناس اللي تفهمت الموقف وزعلان من الناس الوحشة اللي شمتانين في المتوفي وقالوا هتقابل ربنا إزاي، هيقابل ربنا شهيد بيجري على أكل عيشه، مش فاشل زيك، قاعد تكتب وتحدد مين هيدخل الجنة والنار، لو بتحب دينك أوي كده دينك قالك الكلمة الحلوة صدقة، لو معندكش تخرس خالص.
