جمال عبد الحميد: جماهير الزمالك كانت ترد الجميل لزوجة زيزو.. وأين الإساءة في بنحبك؟
علق جمال عبد الحميد نجم الزمالك السابق، على أزمة هتافات جماهير الأبيض لزوجة أحمد سيد زيزو نجم الأهلي، والتي شهدتها مباراة الفريق الماضية أمام سيراميكا كليوباترا في الدوري.
تعليق مثير من جمال عبد الحميد على هتافات جماهير الزمالك لزوجة زيزو
وقال جمال عبد الحميد في تصريحات تليفزيونية: زيزو بيشتغل في مؤسسة ومن المفترض أنها من تتولى الرد عنه، ومينفش يعادي الناس أكتر من كدة خاصة أنه كذب على الزمالك في مسألة توقيعه للأهلي.
وتابع: زيزو من بدأ معاداة جماهير الزمالك، وبالتالي هم ردوا على عدم صدقه مع النادي، لكن زيزو مبقاش فارق معانا خلاص.
وعن هتافات جماهير الزمالك باسم زوجة زيزو: زوجة زيزو زمالكاوية وقالت استحالة أبقى أهلاوية، وجمهور الزمالك قالها بنحبك علشان هي زملكاوية ورد للجميل فين بقى الشتيمة؟
وواصل جمال عبد الحميد: إية اللي اتقال زيادة عن بنحبك؟ لأنها زملكاوية، فين الغلظ لما جمهور الزمالك بيحب حد بسبب حبه في النادي؟، فين الخوض في الأعراض لما حد يقول أنا بحب الزمالكاوية دي فيها إية.
واختتم جمال عبد الحميد تصريحاته: كلنا بنحب محمد منير علشان زملكاوي، والأهلاوية نفس الشئ بيبحبوا ناس معينة علشان انتمائهم للنادي، ليه الناس مكبرة الموضوع إنه خوض في الأعراض؟
يذكر أن رابطة الأندية أعلنت توقيع عقوبة مالية على نادي الزمالك، بتغريمه 100 ألف جنيه، بعد سباب الجماهير الجماعي في مباراة المقاولون العرب.
