مصطفى جاد: موهبة كارمن سليمان مفيش زيها.. وبعتبر ألبوم أصح غلطة الأول في مشوارها
تحدث المنتج والملحن مصطفى جاد، عن ألبوم زوجته الفنانة كارمن سليمان، الذي يحمل عنوان أصح غلطة، موضحًا أنه يعتبر هذا الألبوم الأول في مسيرتها، كما أشاد بموهبتها مؤكدة أنها موهبة متفردة.
وقال مصطفى جاد، في لقائه مع القاهرة 24: بعتبر ألبوم أصح غلطة الألبوم الأول لـ كارمن، لأن الألبوم اللي فات كان عندها 18 سنة ومكنتش الظروف تطلع ألبوم مناسب، وخليني أتحيز لـ ألبوم أصح غلطة وأقول أنه نقطة تحول عند كارمن، الألبوم ده مختلف جدًا في اختياره وتنفيذه وهي أكتر حد تعب في الألبوم، هو متنوع ولكن محافظين أنه يكون له تنوع معين في المزيكا، والناس حبته في الوطن العربي والحمد لله مكملين.
وتابع مصطفى جاد: الصيف ده أول صيف من كذا سنة يكون فيه الزخم ده من الألبومات ودي حاجة صحية جدًا، ونزلت أغاني ألبوم أصح غلطة كل أسبوع علشان عايز أفضل متواجد طول الصيف، وكارمن فنانة مش شبه أي حد ومفيش زيها، وليها لونها ومزيكتها المختلفة.
مصطفى جاد يعلق على أزمته مع أحمد حلمي
وكان مصطفى جاد، علق على الجدل الذي أثير حول أزمته مع الفنان أحمد حلمي، عقب انتشار مقطع فيديو خلال الفترة الماضية ظهر فيه حلمي وهو يوجه له جملة مصري وصف أول، قائلًا: أنا مش عايز أقول كلام يستفز الناس، بس والله العظيم الموضوع مخدش مني غير المكالمة اللي حصلت بيني وبين أحمد حلمي علشان الموقف، ومدة الفيديو اللي صورته علشان أرد غيبة الراجل، أكتر من كده مفكرتش في الموضوع دقيقة، أنا عمري ما خدت تقييمي من حد فمش هشغل بالي الناس بتقول إيه.
