أرفض التلامس حتى لو من سن ولادي.. عفاف شعيب تكشف أسباب إحراجها لـ أشرف فايق ورفضها لوضع يده عليها
علقت الفنانة عفاف شعيب أسباب إحراجها لـ للمخرج أشرف فايق، عندما رفضت أن يضع يده عليها، لحفل تأبين الراحلة سميحة أيوب. مما جعل هذا المقطع يتداول بشكل كبير منذ أمس.
وقالت عفاف شعيب في تصريحاتها لـ القاهرة 24: أشرف زي أخويا الصغير ومامته كانت أكبر مصممة أزياء في التليفزيون المصري وبينا علاقة صداقة، هو محترم بس أنا مش بحب حد يحطه إيده عليا ولا حد يعمل الحركات دي معايا وأنا لما بسلم على حد من زمان مش ببوس حتى لو حد قد ولادي.
وتابعت عفاف شعيب: هو عارف إني مش بحب ده وهو ميقصدش هو مؤدب ومحترم بس معرفش من العشم بقى عمل كدة، وهو أول ما دخلت حط إيده عليا وهو عارف بس هو ميقصدش أنا متأكدة.
وأضافت عفاف شعيب: الموضوع أخد أكبر من حجمه ولازم نكون متساهلين ومش لازم يكسبوا من ورايا ملايين.
أشرف فايق يعلق على إحراج عفاف شعيب له
كما سبق وعلق أشرف فايق في تصريحاته لـ القاهرة 24، على الموقف الذي جمعه بـ عفاف شعيب أمس، وقال: العلاقة العائلية لأنها صديقة والدتي ووالدي، ومن هذا المنطلق حطيت إيدي على كتفها علشان أبوس رأسها علشان أقولها كتر خيرك أنك جيتي في عز الحر وانشغالها وسنها ده، ولما نزلت إيدي أنا بوست إيديها عرفانًا وتقدير وكانت مبتسمة.
