بسمة بوسيل: الفيديو كليب بقى فكرة قديمة.. وسعيدة بنجاح ميني ألبوم حلم
أعربت الفنانة بسمة بوسيل عن سعادتها الكبيرة بـ ردود الفعل على ميني ألبوم حلم، الذي طرحته خلال الفترة الماضية، وتصدرت أغنية أبو حب من الألبوم قوائم الاستماع عبر المنصات.
وقالت بسمة بوسيل، في تصريحات تليفزيونية: أنا مبسوطة أوي من رد الفعل على ألبومي الأخير، أهم حاجة أن الناس لما بتسمعه بيوصلهم الإحساس اللي عايزه أوصله، ومفيش أغنية بتضايقهم في النص، وحطيت الأغاني المغربي في الآخر علشان مخضش الناس ولكني اتبسطت أنها عجبتهم.
أما عن إمكانية تقديمها ديو غنائي، أضافت بسمة بوسيل: هنزل دويتو على آخر السنة، وعايزة آخد فرصتي لوحدي الأول، وأنا مش مع فكرة الفيديو كليب تاني وهو بقى فكرة قديمة.
بسمة بوسيل تتحدث عن تعاونها مع رامز جلال في فيلم بيج رامي
كما كشفت بسمة بوسيل، تفاصيل تعاونها مع رامز جلال، في فيلمه بيج رامي، قائلة: التمثيل جه صدفة، ورامز جلال كان شايف إني المفروض أمثل، لكني مكنتش شايفة ده خالص، وكان مصمم وقالي إني مينفعش ممثلش ومدليش فرصة إني أفكر، وبصراحة كنت خايفة لأنها حاجة جديدة عليا واتبسطت أوي.
وأضافت بسمة بوسيل: رامز بثق فيه، والفيلم عاجبني، وهو للعائلة كلها، في الأول كنت لسه مش فاهمة التمثيل وكمان أنا بزهق أوي خاصة إنهم بيقعدوا ساعات طويلة يصوروا، وبعد يومين المخرج إداني النقط المهمة ومفتاح التمثيل.
