مصطفى قمر: إحنا اللي بنصنع التريند.. والشهرة ممتعة بس في حالتها الإيجابية فقط
أشار مصطفى قمر إلى أنه يصنع أغاني وفنا يعيش لسنين بعده، وقال مصطفى قمر خلال تصريحات تليفزيونية: إحنا اللي بنصنع التريند وأنا لما بعمل تريند بيعيش، لما أعمل أغنية زي سكة العاشقين الناس هتقول بعدين كان في واحد جامد بيغني اسمه كذا، وولادي وأحفادي يفضلوا يتكلموا عني، غير ناس بتعمل أغنية بتعيش 3 شهور فقط.
وتابع مصطفى قمر: الشهرة ممتعة بس في حالة لما الناس تحبك وتكون متواضع معاهم، وأنا عموما شخص طبيعي جدا ومش بيفرقلي الفلوس ولا راكب عربية إيه ولا الحاجات دي.
مصطفى قمر يدعم أنغام
وفي سياق آخر، سبق ودعم مصطفى قمر أنغام في أزمتها الصحية، حيث كتب منشور عبر حسابه بـ انستجرام: ربنا يتمم شفاكي علي خير يا أنغام يا رب، يلا شدي حيلك ترجعيلنا بألف سلامة وتفرحينا وتفرحي جمهورك، أدعولها يا جماعة تقوم بالسلامة وشفاءً لا يغادر سقمًا بإذن الله.
كما حرص مصطفى قمر مؤخرًا على المباركة لـ النجم عمرو دياب على ألبومه الجديد ابتدينا، ممازحًا إياه عن سبب أغنية “شايف قمر” للهضبة، ونشر مصطفى قمر صورة جمعته بـ عمرو دياب، على حسابه بـ انستجرام، وعلق: قولتلكوا بيغنيها لي صدقتوا بقى؟ مبروك للمرة التانية يا عمور على النجاح الجامد ما شاء الله، وتيام كمان بيباركلك على النجاح هو وجيله.
