تصالح إحدى الفتيات في واقعة المطاردة على طريق الواحات مع المتهمين
تصالحت إحدى ضحايا حادث مطاردة طريق الواحات مع المتهمين بارتكاب الواقعة، على إثر واقعة ملاحقة الأولى بسيارتهم وإحداث إصابتهن.
تصالح إحدى الفتيات في واقعة المطاردة على طريق الواحات مع المتهمين
يذكر أن محكمة أكتوبر قضت، بتأجيل أولى جلسات محاكمة المتهمين في واقعة مطاردة طريق الواحات، وذلك لاتهامهم بإصابة الفتيات نتيجة مطاردتهن وتعمد مضايقتهن لجلسة 1 سبتمبر.
وحصل القاهرة 24 على نص التحقيقات، حيث جاءت أقوال المجني عليها الأولى أمام جهات التحقيق كالتالي:
كنت في البيت وكلمت صديقتي عشان حفلة تخرجي في 2025/8/21 وكنت عايزة أنزل أشتري حاجات للتخرج وقولتلها تعالي ننزل نشرب حاجة وبعدين نروح تشتري الحاجات، نزلنا روحنا الحي الأول بأكتوبر عشان كنت هشتري فستان من الحصري، فقعدنا في كافيه بنزينة في الحي الأول وشرينا قهوة.
وأضافت: كان فيه شوية شباب قاعدين على ترابيزة برا وإحنا دخلنا وقعدنا جوا على البار، وطلبنا حاجة نشربها والبار قدامه بيبص على المكان اللي الشباب قاعدين فيه فاضطرينا نقوم من على البار عشان منكونش في وش الشباب، لقيتهم قاموا وغيروا المكان وجم قعدوا في وشنا، فأنا نزلت الستارة اللي تمنعهم من رؤيتنا.
وواصلت: العاملون بالمكان قالولهم إنهم عاوزين ينظفوا المكان فخرجونا برا عشان ينظفوا المكان فخرجنا وقعدنا على ترابيزة ناحية الشباب، قعدنا شوية وبعدين قولتلها يلا بينا نمشي وركبنا العربية واتحركنا، واتفاجئنا بـ 3 شباب ركبوا عربياتهم وخرجوا ورانا على الطريق وفضلوا يرخموا علينا بحركاتهم على الطريق، وبدأ واحد فيهم راكب عربية بي إم يزنق عليا في الطريق جامد وبدأت العربية التانية كيا كانت على يميني والعربية التالتة نوعها جيلي كانت على شمالي.
