زوجة تطلب الطلاق: جوزي عنيف في كلامه.. وبيجرحني كل يوم بكلمة
أقامت زوجة في أواخر العشرينات دعوى طلاق أمام محكمة الأسرة، طالبت فيها بإنهاء علاقتها الزوجية بعدما وصفت حياتها مع زوجها بأنها أصبحت مستحيلة نتيجة تعرضها لإهانة بشكل يومي من زوجها.
محكمة الأسرة
وقالت الزوجة في الدعوى: أنا اتجوزت على أساس إنه راجل طيب وحنين، لكن بعد الجواز اكتشفت إن لسانه جارح.. أي خلاف صغير يتحول لشتم واتهامات، حتى لما أطلب منه حاجة بسيطة يقولي أنتي فاكرة نفسك إيه.
وأضافت: مكنش فيه مرة يمرّ يوم من غير ما يجرحني بكلمة.. بقيت أفقد ثقتي في نفسي، وكل ما أشتكي يقولي دي طبيعة كلامي ومش قصدي أزعلك.
واستكملت: الحياة مش بس أكل وشرب.. الكلام الحلو بيهون المشاكل، لكن هو بالعكس.. بيكبر المشكلة ويكسرني بكلامه.
الزوج من ناحيته اعترف أنه عصبي لكنه قال: هي بتكبر الأمور، وأنا معنديش وقت للكلام الناعم.. أهم حاجة إني بصرف عليها.
وأجلت المحكمة الدعوى لمحاولة الصلح بعد عرضها على الأخصائي الاجتماعي.
