مرقس عادل: إياد نصار طلب مني دور كوميدي بس بحكاية مختلفة.. فطلعنا بفيلم من أيام الجيزة
كشف المخرج مرقس عادل، عن كوليس فيلم من أيام الجيزة بطولة الفنان إياد نصار، والمنتظر عرضه قريبًا في دور العرض السينمائية.
مرقس عادل: إياد نصار قالي حابب أعمل كوميدي بس بدور على حكاية مختلفة
وتحدث المخرج مرقس عادل خلال لقائه مع القاهرة 24،: فيلم من أيام الجيزة بدأ بـ فكرة بسيطة بيني وبين إياد نصار، وهو ممثل محترف فاقولتله ليه مابتعملش كوميدي؟ قالي بحس إنه محتاج حكاية حلوة وبدور على حاجة كويسة فادورنا على حكاية ورجعنا من مشاريعنا اتقابلنا لحد ما طلعنا من أيام الجيزة وطورناه، وهو عمل المشروع بشكل مختلف والجمهور هيتبسط بفكرة أيام الجيزة.
ومن جانبه، سبق أن كشف الفنان إياد نصار، تفاصيل فيلم من أيام الجيزة، معربًا عن سعادته الكبيرة بتقديم عمل كوميدي بمسيرته الفنية.
وقال إياد نصار، في لقائه مع القاهرة 24: فيلم من أيام الجيزة كوميدي ودي تجربة بالنسبة ليا جديدة، كان ليا تجارب قبل كده كوميدي ولكني كنت ضيف فيها وبجرب حاجة، وكان في حاجات في برامج زي سكتشات وفي الآخر مبنية على ممثل غير كوميدي ولكن متحكمش عليه في عمل كوميدي، طول الوقت عندي فكرة إني عايز أعمل كوميدي ولكن فين ومع مين وإيه الحكاية.
