سائق ميكروباص بالقليوبية بعد إعادة 23 ألف دولار لصاحبها: معملتش غير الخير
في لفتة إنسانية تعكس الأمانة وحسن الخُلق، أعاد مصطفى فهمي، سائق ميكروباص من قرية أكياد دجوى بمركز طوخ بالقليوبية، حقيبة عثر عليها وبداخلها مبلغ 23 ألف دولار إلى صاحبها.
سائق ميكروباص بالقليوبية بعد إعادة 23 ألف دولار لصاحبها: معملتش غير الخير
وقال مصطفى فهمي في تصريحاته لـ القاهرة 24: كنت راجع بالميكروباص ولقيت شنطة مرمية على الطريق، فأخدتها معايا، ولما تابعت السوشيال ميديا لقيت منشور بيدوّر على الفلوس، وعرفت إن صاحبهم كان راجع من البنك ووقع منه الشنطة وهو راكب الموتوسيكل.
وأضاف: صاحب الفلوس حلال وعشان كده رجعتها له، وأنا ماشي بدعوات أمي ليّا ومعملناش غير الخير، والمبلغ كان 23 ألف دولار، ورفضت أخد أي مكافأة حتى لو كانت عشرة في المية.
وتابع: الحمد لله اتغلبت على وسوسة الشيطان ورجّعت الأمانة لصاحبها، وقال لي إن محدش ممكن يعمل كده إلا واحد متربي وأمين.
واختتم مصطفى فهمي قائلًا: بنصح أي حد يلاقي حاجة يدور على صاحبها ويرجّعها، لأن دي أمانة.
