بسبب خلاف على الجواز مع خطيبي.. ننشر أقوال الراقصة بوسي في مشاجرة العلمين| خاص
كشفت التحقيقات في واقعة القبض على الراقصة بوسي و4 آخرين بسبب مشاجرة وقعت بينهم في سهرة خاصة بمدينة العلمين، تفاصيل الواقعة.
بسبب خلاف على الجواز مع خطيبي
وحصل القاهرة 24 على نص التحقيقات وجاءت أقوال الراقصة بوسي أمام جهات التحقيق كالآتي:
س: ما قولك فيما هو منسوب إليك من أنك متهمة بالاعتداء عمدًا على المجني عليه السيد. م.ش، محدثة ما به من إصابات الموصوفة بالتقرير الطبي المرفق بالأوراق والتي أعجزته عن القيام بأعماله الشخصية مدة لا تزيد عن عشرين يوما على النحو المبين بالتحقيقات؟
ج: محصلش.
س: ما قولك فيما هو منسوب إليك من أنك متهمة بتناول مشروبات كحولية على النحو المبين بالتحقيقات؟
ج: محصلش.
س: ما الذي حدث إذًا وما هي ظروف ضبطك وإحضارك وعرضك علينا؟
ج: اللي حصل إن يوم 19-9-2025 الساعة 1:00 مساءً - كان عندي شغل في الساحل وكان معايا السيد وناس صحابه وقعدنا في الشاليه في قرية هاسيندا باي وصلنا الساعة 12 الضهر وبعد ساعة كنت بتكلم أنا والسيد وكان فيه خلافات قبل كده فشدينا مع بعض في الكلام فراح داخل الفيلا وسايبني وأنا فضلت قاعدة على حمام السباحة.
وأضافت الراقصة بوسي في أقوالها أمام جهات التحقيق: بعدها صاحبه دخل يسألني فيه إيه وإيه اللي حصل فراح السيد نازل وقالي أنا مش هسيبك والموضوع مش بمزاجك وكان الخلاف بينا على الجواز فجاب إزازة مياه بلاستيك وخبطني بيها فشدينا مع بعض.
وأكملت بوسي: وكان عايز يضربني فصوتنا بقي عالي وصحابنا بقوا يحوشوا بينا فأنا جريت على الأوضة وخدت الموبايل بتاعي واتصلت بالنجدة قولتلهم محتجزة في مكان وقولتله فيه مشكلة بيني وبين خطيبي وقفل باب الأوضة عليا.
وواصلت الراقصة بوسي: بعدها السيد خد الموبايل وصحابه هدوه ودخل عايز يضربني وقعدت أخبط الباب بإيدي فصحابه خدوني وطلعوني بره الفيلا قولتلهم عايزه حاجتي وركبوا معايا العربية وفضلنا واقفين في القرية جوه وقعدوا يهدوني ويتكلموا معايا ورجعنا على الفيلا عشان أخد الحاجة بتاعتي فالنجدة جات وخدتنا كلنا على القسم.
س: متي وأين حدث ذلك؟
ج: الكلام ده حصل يوم 20 / 9 / 2025 الساعة 1 مساءً - بقرية هاسيندا باي - دائرة قسم شـرطة العلمين.
